Վարչապետ Նիկոլ Փաշինյանը ԳԱԱ տարեկան ընդհանուր ժողովին կարեւորեց կրթական եւ գիտական հաստատությունների կապը միմյանց եւ տնտեսության հետ: Ասաց, որ վերջին շրջանի այցերի ժամանակ այցելում է նաեւ «դրսի» առաջատար կրթական հաստատություններ, փաստեց, որ ՀՀ կրթական համակարգում հետազոտական բաղադրիչի իրական պակաս կա:
Նա ասաց, որ գիտնականներին պետք է հնարավորություն տալ ավելի ինտեգրված լինել տնտեսության եւ հանրային կյանքի կառավարման մեջ, նույն հնարավորությունը պետք է ստեղծվի նաեւ ուսանողների համար, որպեսզի նրանք տեսական գիտելիքները փորձեն կիրառել գործնականում:
Հաջորդ կարեւոր հարցը վարչապետը համարում է այն, թե ինչքանով է ՀՀ գիտակրթական համակարգը ինտեգրված ռազմավարական հեռանկարի ձեւակերպման եւ ձեւափոխման գործընթացում. «Մեր խնդիրներից մեկն այն է, որ կառավարությունն առանձին է խոսում, մեր երկրի գիտակրթական ներուժը` առանձին…Մենք խնդիր ենք դրել Հայաստանում էականորեն ուժեղացնել փորձագիտական ներուժը»:
Մանրամասն՝ տեսանյութում
Կարդացեք նաև
Վարչապետը, որպես օրինակ բերեց Հնագիտության եւ ազգագրության ինստիտուտի տնօրեն Պավել Ավետիսյանի` ակադեմիայի տարեկան ընդհանուր ժողով արված առաջարկը: Նա նշել էր, որ հնագիտական պեղումների արդյունքները կարող են դառնալ զբոսաշրջության կարեւոր գործիք: Փաշինյանի ձեւակերպմամբ, գիտական համակարգի առաջնային խնդիրը պետք է լինի տնտեսությանն ինտեգրվելը, հատկապես երկրի անվտանգության կարիքների սպասարկմանը, ինչն առայժմ չի տեսնում, թեեւ լուրջ գիտական ներուժ ունենք:
Մանրամասն՝ տեսանյութում
Գոհար ՀԱԿՈԲՅԱՆ
