Օպերայի եւ բալետի ազգային-ակադեմիական թատրոնում այսօր մշակույթի գործիչների եւ թատրոնի աշխատակազմի հավաքի ժամանակ որոշվեց «Մերժում տիկին Ղարիբյանին» խորագրով ստորագրահավաք նախաձեռնել՝ նրա հրաժարականի պահանջով:
Հիշեցնենք, որ Մշակույթի նախարարի պարտականությունները կատարող Նազենի Ղարիբյանի հրամանով՝ Օրբելյանն ազատվել է թատրոնի տնօրենի պաշտոնից, քանի որ ըստ ՏԻՄ օրենքի՝ նա չի կարող միաժամանակ լինել թատրոնի տնօրեն ու գեղարվեստական ղեկավար, իսկ «Լեզվի մասին» օրենքի համաձայն՝ նա պետք է տիրապետի հայերենին (Օրբելյանը ռուսերեն է հաղորդակցվում):
«Օպերա»-ի արտիստները պահանջում են չեղյալ համարել նախարարի նշյալ հրամանը, այլապես գործադուլ կանեն: Նրանք ակնկալում ենք նաեւ վարչապետ Նիկոլ Փաշինյանի հետ հանդիպում:
Քննարկման ժամանակ երաժիշտ Վալենտինա Պետրոսյանը հայտարարեց. «Քանի որ ոչինչ չեն արել այդ օրենքում փոփոխություններ մտցնելու համար, ուրեմն այս քայլն ուղղված է մաեստրո Օրբելյանի դեմ: Տիկին Ղարիբյան, հանգիստ նստեք տեղներդ, մենք դա ձեզ թույլ չենք տա»:
Կարդացեք նաև
Արտիստները պայմանավորվեցին իրենց պահանջներն ամբողջացնել նամակում եւ երկուշաբթի ժամը տասին այն հանձնել ՀՀ կառավարությանը: Նրանք այսօր հավաքվել էին թատրոնի դահլիճում՝ սատարելու Կոնստանտին Օրբելյանին:
Այլ մանրամասները՝ տեսանյութում
Ուղիղ։ Օպերայի արտիստները բողոքում են թատրոնի տնօրենի պաշտոնից Կոնստանտին Օրբելյանի ազատման դեմ
Gepostet von Aravot am Samstag, 30. März 2019
Լուիզա ՍՈՒՔԻԱՍՅԱՆ
