Այսօր «Երրորդ ուժ» քաղաքացիական նախաձեռնությունը կազմակերպել էր հավաք՝ «Անվտանգության անկախ խորհուրդ ձեւավորելու» եւ Հայաստանի անվտանգային արդի խնդիրները քննարկելու նպատակով:
Այդ առնչությամբ նախաձեռնության անդամ Արտակ Թովմասյանը ֆեյսբուքյան իր էջով մեր բանակի կայացմանը մասնակից բանիմաց, հարուստ փորձ ունեցող, պետականամետ եւ նվիրյալ սպաներին, իրավապահ համակարգի եւ ռազմական գործի գիտակներին հրավիրել էր կառուցողական քննարկման:
Լրագրողների հետ ճեպազրույցում Արտակ Թովմասյանն ասաց, որ այս ձեւաչափն առաջին անգամ է կիրառվում. «Հրավիրել ենք բարձրագույն սպայական կազմին՝ քննարկելու այսօր երկրում տիրող արդիական հարցերի շուրջ լուծումներ գտնելու հիմնական ուղիները»:
Նա ակնկալում է, որ բանակի ներկայացուցիչները կբարձրացնեն մեր երկրի առջեւ ծառացած խնդիրները ու միասին կփորձեն լուծումներ գտնել: Օրակարգում է նաեւ գերիների հարցը: Քննարկումը դռնփակ ձեւաչափով է:
Կարդացեք նաև
Հռիփսիմե ՋԵԲԵՋՅԱՆ
