Հիշատակման այս օրը՝ մայիսի 4-ին, հոլանդացիները հարգանքի տուրք են մատուցում 2-րդ աշխարհամարտում և այլ կոնֆլիկտներում զոհվածների հիշատակին:
Այս տարի ևս ըստ ձևավորված ավանդության, Նիդերլանդների Թագավորությունում Հայաստանի արտակարգ և լիազոր դեսպան Ն.Գ. Տիգրան Բալայանը այսօր Հիշատակի օրը այցելեց և իր հարգանքի տուրքը մատուցեց Միդլհարնիսում նահատակված հայ 7 զինվորների հիշատակին:
Գրեթե ամեն տարի Մայիսի 4-ին՝ Հոլանդահայ կազմակերպությունների ֆեդերացիան Միդելհարնիսում Հայաստանի գործող դեսպանների ու տեղական իշխանությունների հետ համատեղ, մշտապես այցելել ու ծաղիկներ են խոնարհել Երկրորդ Համաշխարհային պատերազմի ժամանակ զոհված հայորդիների գերեզմաններին:
Կարդացեք նաև
Նիդերլանդական օրագիրը մի քանի անգամ ուղիղ ռեպորտաժններ է վարել Հայ նահատակված 7 զինվորների հուշարձանից:
Հատվածներ 2017 և 2019 թ.թ. ուղիղ ռեպորտաժներից.
2017
2019
Ազգային հուշարձան Ամստերդամի Դամ հրապարակում, որտեղ անցկացվում է ամենամյա հիշատակի արարողությունը
Հիշատակի պաշտոնական արարողությունը ավանդաբար անցկացվում է Ամստերդամի Դամ հրապարակում: Այնտեղ են այցելում նախարարների կաբինետի անդամները (Նիդեռլանդների կառավարություն), թագավորական ընտանիքը, գեներալներ, Դիմադրության շարժման անդամներ, և այլ կազմակերպությունների ներկայացուցիչներ: Երեկոյան ժ. 20.00-ին լռության րոպե է: Կանգնում է հասարակական տրանսպորտի և ճանապարհային երթևեկության շարժը:
Նիդերլանդական օրագիր
