Հայաստանցի 19-ամյա ծանրորդ, 102 կգ քաշային Պետրոս Պետրոսյանը, որն այսօրվա մեր միակ մասնակիցն էր Ֆինլանդիայի Ռովանիեմի քաղաքում ընթացող ծանրամարտի Եվրոպայի երիտասարդական առաջնությունում, դարձավ բրոնզե մեդալակիր:
Պոկում վարժությունում նրա բարձրացրած 155, հրումում՝ 194 եւ երկամարտի արդյունքով՝ 349 կիլոգրամները երրորդ ցուցանիշն էին մինչեւ 20 տարեկանների այս քաշային խմբի պայքարում:
Վաղն՝ առաջնության եզրափակիչ օրը, Հայաստանից մրցահարթակ կմտնեն U23 տարիքային խմբի ներկայացուցիչներ՝ 109 քաշային Արսեն Մարտիրոսյանը եւ գերծանր քաշայիններ Արփինե Դալալյանն ու Վարազդատ Լալայանը:
Աշոտ ՀԱԿՈԲՅԱՆ
