Լրահոս
Օրվա լրահոսը

Հայաստանի ֆոնդային բորսայի հոկտեմբերի տվյալները առևտրի և շուկայի ծավալների աճ են ցույց տալիս 2020թ. նույն ժամանակահատվածի համեմատ 

Նոյեմբեր 10,2021 14:46

Հայաստանի ֆոնդային բորսայի 2021 թ․-ի հոկտեմբեր ամսվա ամփոփ տվյալները 2020 թվականի նույն ժամանակահատվածի համեմատ ցույց են տալիս առևտրի և շուկայի ծավալների համեմատական աճ։

Հայաստանի ֆոնդային բորսայում  տեղի ունեցած առաջնային  աճուրդների ընթացքում  պետական պարտատոմսերի տեղաբաշխման ծավալը կազմել է 12 մլրդ դրամ:

Պետական պարտատոմսերի բորսայական երկրորդային շուկայի առևտրի ընդհանուր ծավալը հոկտեմբերին կազմել է ավելի քան 11 մլրդ ՀՀ դրամ՝ 2020-ի հոկտեմբերի համեմատ գրանցելով 88% աճ: Կնքվել է պետական պարտատոմսերով 46 գործարք։

Պետական գանձապետական պարտատոմսերի շուկայի ծավալը (market value) նույն ժամանակահատվածի համար հատել է 1,1 տրիլիոն դրամի շեմը՝ գերազանցելով նախորդ տարվա ցուցանիշը 29%-ով։

Նախորդ տարիների համեմատ կորպորատիվ պարտատոմսերի թե՛ շուկայական և թե՛ առևտրի ծավալները պահել են աճի դինամիկան։ Կորպորատիվ պարտատոմսերի հոկտեմբեր ամսվա շուկայի ծավալը կազմել է ավելի քան 492 մլրդ դրամ, որը 16%-ով գերազանցել է նախորդ տարվա նույն ժամանակահատվածի ցուցանիշից։

Կորպորատիվ պարտատոմսերի առևտրի ծավալը 2020 թ-ի հոկտեմբերի համեմատ աճել է 128%-ով՝ անցնելով 7.8 մլրդ դրամի շեմը։ Կորպորատիվ պարտատոմսերով կնքվել է 199 գործարք։

Բորսայում շրջանառվող կորպորատիվ պարտատոմսերի քանակը նախորդ տարիների համեմատ նույնպես աճել է՝ հասնելով 109-ի։

Ռեպո գործարքների ընդհանուր ծավալը կազմում է 3 մլրդ դրամ, որը գերազանցում է 2020 թ․-ի հոկտեմբերի ցուցանիշը 36%-ով։

Հայաստանի ֆոնդային բորսայում  տեղի ունեցած առաջնային աճուրդների ընթացքում  բաժնետոմսերի տեղաբաշխման ծավալը կազմել է 1․09 մլրդ դրամ:

Բաժնետոմսերի առևտրի ծավալը նախորդ տարվա նույն ժամանակահատվածի համեմատ աճել է՝ հասնելով 11․8 մլն դրամի։ Շուկայի ծավալը նախորդ տարվա համեմատ աճել է 10%-ով՝ հասնելով 161 մլրդ դրամի։ Բաժնետոմսերով կնքվել է 15 գործարք։

Հայաստանի ֆոնդային բորսա

AMX-ը Հայաստանում գործող միակ ֆոնդային բորսան է, որը հանդիսանում է նաև Հայաստանի կենտրոնական դեպոզիտարիայի միակ բաժնետերը: AMX խմբի առաքելությունն է նպաստել Հայաստանում բարենպաստ ներդրումային միջավայրի ձևավորմանը՝ առաջարկելով արդյունավետ լուծումներ ու ծառայություններ, այդ թվում՝ արժեթղթերի առևտրի, քլիրինգի, վերջնահաշվարկի և կենսաթոշակային համակարգի ակտիվների պահառության և ռեեստրավարման ոլորտում:

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Նոյեմբեր 2021
Երկ Երե Չոր Հնգ Ուրբ Շաբ Կիր
« Հոկ   Դեկ »
1234567
891011121314
15161718192021
22232425262728
2930