Գերմանիայի տնտեսական համագործակցության և զարգացման նախարարության (BMZ) ֆինանսական աջակցությամբ, «Կանաչ Արահետ» ՀԿ-ի և գերմանական «Հույսի Նշան» ՀԿ-ի կողմից իրականացվող Գրին Լենդ ծրագրի ներկայացուցիչները այցելել են Տավուշի մարզի Հովք բնակավայր՝ տեղեկատվության հավաքագրման և կարիքների գնահատման նպատակով:
Ծրագրի ընդհանուր նպատակն է մեղմել աղքատությունը՝ ՀՀ հյուսիսային մարզերի գյուղական համայնքներում՝ նորարար, կայուն և կլիմայի փոփոխություններին հարմարվող գյուղատնտեսական գործելակերպերի (արտադրություն և շուկայավարում) ներդրման միջոցով:
Ծրագիրը կաջակցի ավելի քան 360 փոքր ֆերմերների (առնվազն 50% կանայք)՝ գիտելիքների տարածման ու շուկայավարման հարցերում համագործակցության բարելավման և նոր, կայուն գյուղատնտեսական մեթոդների կիրառման միջոցով ավելացնելու եկամուտները, հաշվի առնելով կլիմայի փոփոխության մարտահրավերները:
Այցելության ընթացքում հանդիպումներ են եղել նաև Դիլիջան համայնքի ղեկավար Դավիթ Սարգսյանի և Հովք բնակավայրի վարչական ղեկավար Հովհաննես Նաղդալյանի հետ: Կողմերը քննարկել են Հովք բնակավայրում կլիմայի փոփոխություններին հարմարվող գյուղատնտեսական գործելակերպերի ներդրման հետ կապված հարցերը և առաջիկա քայլերը:
Կարդացեք նաև
Լիա ՃԱՂԱՐՅԱՆ
Լուսանկարը՝ Դիլիջանի համայնքապետարանի
