Ֆուտզալի Հայաստանի ազգային հավաքականի դարպասապահ Լուան Բարբոսան պայմանագիր է կնքել Իսպանիայի Պրիմերան ներկակացնող «Պալմա Ֆուտզալ» ակումբի հետ:
Բարբոսայի նոր ակումբը նախորդ մրցաշրջանում դուրս է եկել Իսպանիայի առաջնության եզրափակիչ, որտեղ զիջել է «Բարսելոնային»:
«Պալմա ֆուտզալը» գալիք մրցաշրջանում հանդես կգա ՈւԵՖԱ ֆուտզալի Չեմպիոնների լիգայի էլիտ ռաունդում:
Լուանը դարձավ Հայաստանի ազգային հավաքականում հանդես եկած առաջին ֆուտզալիստը, որը հանդես կգա աշխարհի ուժեղագույն լիգաներից մեկում` Իսպանիայում:
Կարդացեք նաև
Ֆուտզալի Հայաստանի ազգային հավաքականի դարպասապահը ՀՖՖ պաշտոնական կայքի հետ զրույցում կիսվել է իր տպավորություններով. «Շատ երջանիկ եմ։ Սա երազանք էր և նպատակ միևնույն ժամանակ. խաղալ աշխարհի ուժեղագույն լիգաներից մեկում՝ Իսպանիայում։ Այժմ ամեն ինչ անելու եմ, որպեսզի օգնեմ ակումբիս՝ հասնելու մեծ նվաճումների։
Չգիտեի, որ Հայաստանը ներկայացնող առաջին ֆուտզալիստն եմ, որը հանդես է գալու Իսպանիայի Պրիմերայում։ Առավել քան հպարտ եմ, որ իմ խաղով ներկայացնելու և բարձր եմ պահելու Հայաստանի պատիվը»։
ՀՖՖ
