Aravot.am-ի տեղեկություններով՝ դատարանը բավարարել է Հակակոռուպցիոն կոմիտեի միջնորդությունը եւ Հարություն Մանուչարյանի նկատմամբ որպես խափանման միջոց ընտրել կալանքը։ Բերդի համայնքապետարանից մեզ հայտնեցին, որ նրա լիազորությունների ժամկետը լրանում է նոյեմբերի 13-ին։
Նշենք, որ Հարություն Մանուչարյանը ձերբակալվել էր նոյեմբերի 10-ի առավոտյան՝ Հակակոռուպցիոն կոմիտեում քննվող քրեական վարույթի շրջանակում։ Հարություն Մանուչարյանին մեղադրանք է ներկայացվել հանցանքը կատարելու պահին գործող Քրեական օրենսգրքի 308–րդ հոդվածի 1–ին (պաշտոնեական լիազորությունները չարաշահելը) եւ 314–րդ հոդվածի 1–ին (պաշտոնեական կեղծիքը) մասերի հատկանիշներով։ Նրա վերաբերյալ վարույթով նախաքննությունը շարունակվում է։
Հիշեցնենք՝ Բերդի համայնքապետ Հարություն Մանուչարյանը 2021 թվականի նոյեմբերի 9-ից կալանավորված էր և ազատ է արձակվել մեկ ամիս առաջ։
Նշենք, որ սեպտեմբերի 15-ին կայացած ՏԻՄ ընտրություններում հաղթել է Հարություն Մանուչարյանի գլխավորած «Զորավոր համայնք» դաշինքը։ Նոյեմբերի 10-ին կայացած Բերդի ավագանու նիստում համայնքապետ է ընտրվել նույն դաշինքի թեկնածու Աստղիկ Հակոբյանը։
Կարդացեք նաև
Լիա ՃԱՂԱՐՅԱՆ
Լուսանկարը՝ Հարություն Մանուչարյանի ֆեյսբուքյան էջից
