Թյուրքագետ Վարուժան Գեղամյանն իր տելեգրամյան ալիքում գրում է․ «Երեկվա Հայաստան-Թուրքիա ֆուտբոլային հանդիպմանն ՈւԵՖԱ-ի կողմից արգելք էր դրվել մարզադաշտ բերել Ադրբեջանի դրոշներ։
Սակայն դրանից Թուրքիա-Ադրբեջան ռազմավարական դաշինքը չթուլացավ, ինչպես փորձում էին ներկայացնել մեզանում ոմանք։
Դիտեք այս կարճ տեսանյութը և նայեք, թե ինչպես են Ադրբեջանի դրոշի հետ վարվում թուրք ոստիկանները և ինչպես են արձագանքում քաղաքացիները»։
Տեսանյութում երևում է, թե ինչպես է թուրք ոստիկանը մարզադաշտի մուտքի մոտ երկրպագուի մոտ ադրբեջանական դրոշ գտնում։ Նա խնամքով ծալում է այն, համբուրում ու ծափերի ներքո հանձնում իր կին օգնականին, որը նույնպես դրոշը մի քանի անգամ մոտեցնում է շուրթերին։
Կարդացեք նաև
Վարուժան Գեղամյանը երեկվա խաղից ևս մեկ տեսանյութ է տարածել․ «Խաղից առաջ ֆուտբոլիստներին ուղեկցող թուրք աղջիկը չի բռնում հայ ֆուտբոլիստի ձեռքը։
Տեսանյութը երեկվանից ակտիվորեն տարածվում է թուրքական ազգայնամոլների կողմից՝ որպես ճիշտ վարքի օրինակ։
Հիշեցնեմ, որ ըստ վերջին տարիների բոլոր սոցհարցումների՝ Թուրքիայում հայերը և Հայաստանը համարվում են գլխավոր թշնամիները և սպառնալիքը»։
Տեսնե՞ս կգա մի օր, որ մենք էլ Արցախի դրոշի նկատմամբ կունենանք այսպիսի մոտեցում…