Արաս Օզբիլիսի ֆուտբոլային երազանքները կատարվել են, մնում է եւս մեկը

Ֆուտբոլի Հայաստանի ազգային հավաքականի նախկին կիսապաշտպան Արաս Օզբիլիսը այսօր հրավիրած մամուլի ասուլիսում իր անցած մարզական ուղու մասին խոսելով ասել է, որ ֆուտբոլում իրականացել են իր տարբեր երազանքները։ Սակայն դրանց մեջ նա առանձնացրել է Հայաստանի ազգային հավաքականի մարզաշապիկ կրելը, հայկական դրոշը տարբեր երկրներում ներկայացնելը, ինչի համար հպարտության մեծ զգացում ունի։

Նա նաեւ նշել է, որ թեեւ այսօր է պաշտոնապես հայտարարում կարիերան ավարտելու մասին, սակայն դա իրականում եղել է 2014 թվականին՝ ծնկի խաչաձեւ կապանի երրորդ վիրահատությունից հետո։ Ու չնայած կրկին վերադարձել է խաղադաշտ, սակայն արդեն այն Օզբիլիսը չի եղել։

Կարդացեք նաև

Ռուբեն Հայրապետյան. «Արթուր Սողոմոնյանը միակ ֆուտբոլային գործիչն է այսօր, որ ֆուտբոլն իրականում ու հատկապես՝ մանկապատանեկան ֆուտբոլը ճիշտ է հասկանում». 168.am

• 22:11 25.12.2023

Վերջին շաբաթները մեզ վստահություն տվեցին, որ հայկական ֆուտբոլը կարող ենք վերադարձնել զարգացման ու առաջընթացի ուղի․ հայտարարություն

• 15:30 23.12.2023

Ուրախ եմ տեսնել, որ Արաս Օզբիլիսի նման բարձրակարգ մարզիկը ՀՖՖ նախագահի թեկնածու է. Հենրիխ Մխիթարյան

• 10:21 23.12.2023

Շնորհակալություն հայտնելով  իր մարզիչներին, թիմակիցներին եւ երկրպագուներին՝ 33-ամյա ֆուտբոլիստը հանրությանն իրազեկել է Հայաստանի ֆուտբոլի ֆեդերացիայի նախագահի պաշտոնում առաջադրվելու իր որոշման մասին, որը կայանալու է սույն թվականի դեկտեմբերի 23-ին։

Աշոտ ՀԱԿՈԲՅԱՆ