Հայքի մշակույթի օմբուդսմենի ֆեյսբուքյան գրառումը
Հայկական մշակութային ժառանգության յուրացումը և ոչնչացնումը հանդիսանում է Ադրբեջանի հայատյաց քաղաքականության անբաժանելի մասը։ Այս քաղաքականությունն իրականացվում է պետական մակարդակով։
Բռնազավթված Արցախում Ադրբեջանը շարունակում է ոչնչացնել հայկական մշակութային ժառանգությունը։ Այդ քաղաքականության նպատակն է Արցախում վերացնել հայկական քաղաքակրթությունն ու հայկական ինքնությունը։ Նշված քաղաքականության վառ ապացույց է հանդիսանում Արցախի մայրաքաղաք Ստեփանակերտում տեղադրված բանաստեղծ, թարգմանիչ Ալեքսանդր Ծատուրյանի կիսանդրու քանդումը։
Կարդացեք նաև
Ծատուրյան Ալեքսանդր Հովսեփի: Ծնվել է 28.4.1865թ. Զաքաթալայում։ Մահացել է 31.3.1917թ., Թիֆլիսում:
Ըստ «Զինված հակամարտությունների ժամանակ մշակութային արժեքների պաշտպանության մասին» 1954 թվականի Հաագայի կոնվենցիայի 4-րդ հոդվածի՝ արգելված է մշակութային ժառանգության հանդեպ վանդալիզմի, գողության, կողոպուտի, յուրացման, թշնամանքի և հաշվեհարդարի ցանկացած գործողություն։ Հաագայի 1954 թվականի առաջին արձանագրությունն արգելում է օկուպացված տարածքներում ոչնչացնել մշակութային կամ հոգևոր արժեքները։
