«Լիբերալ-արմատական մոդելը՝ այն ձեւաչափով, որը պարտադրվում է միջազգային համապատասխան կառույցների՝ չտամ անունները, հայտնի են, հայտնի դոնորներն են, մեր տեսակի երկրներին ծնկի բերելու մոդել է։ Այդ կառույցների ներկայացուցիչներն այսօր էլ նստած են ԿԲ-ում, ֆինանսների նախարարությունում եւ ուշադիր հետեւում են, որպեսզի այն բալանսները, որի պայմանավորվածություններով տալիս են այդ փողերը, չխախտվեն»,- այսօր Բագրատ սրբազանի եւ տնտեսագետների հանդիպման ժամանակ ասաց տնտեսագետ Ատոմ Մարգարյանը՝ հավելելով, որ այդ վարկ-պարտքերն այսօր 12 միլիարդ դոլարի սահմաններում են, իսկ եթե ավելացնենք նաեւ կոնսոլիդացված պարտքը՝ տնային տնտեսությունների, բիզնեսի վարկը, այդ թիվը կրկնապատկվում է՝ հավասարվելով ՀՆԱ-ին, ինչը ազգակործան քաղաքականության հետեւանք է։
Բանախոսի դիտարկմամբ, գործող կառավարությունը 2018-ին եկավ ստրատեգիական փոփոխությունների լոզունգով, բայց առ այսօր ոչինչ չի արել։
«Այս կաբինետի մոտ լավ է ստացվում պարտք վերցնելը, վարկային խեղդօղակն այսօր նաեւ կառավարության վզին է»,- ասաց նա։
Մանրամասները՝ տեսանյութում
Կարդացեք նաև
Նելլի ԳՐԻԳՈՐՅԱՆ
