«Ես մի տագնապ ունեմ՝ հանկարծ չվերականգնվի ԱԺ-ի այն կառուցվածքը, որը գոյություն ունի այսօր Հայաստանում: Մի կողմից ՔՊ-ն իր մեծամասնությամբ, վարչապետի կայուն քաղաքական հենարանով, մյուս կողմից՝ ռուսական սեգմենտը: Բերեք իրերն իրենց անունով կոչենք: Այն դաշինք-մաշինքները, որ ասում եք` դա Ռուսաստանի շահերի արտացոլման, Հայաստանի գողապետական շրջանի քրեաօլիգարխիկ մի կառույց է, իրական իմաստով, եթե դուք նկատի ունենաք կլասիկ քաղաքականությունը, դա քաղաքական կառույց չէ… Այդ բոլոր խմբակցությունների վրա քրեական գործ կա»,- ֆեյսբուքի իր էջում հրապարակված տեսանյութում ասաց Քրիստոնեա-ժողովրդավարական կուսակցության լիդեր Լեւոն Շիրինյանը՝ անդրադառնալով մյուս ուժերին:
«Հեղափոխությունը կիսատ-պռատ է իրականացել եւ արմատական ռեֆորմների տեսանկյունից անպայման պետք է շարունակվի: Մենք պետք է հասկանանք, որ ինչքան էլ դուք կարողանաք թուրքի, ռուսի, պարսիկի, ադրբեջանցու, Ալիեւների հետ լեզու գտնել, այդ բոլորը ճիշտ է, հնարավոր է, բայց դա գործի չնչին մասն է միայն: Եթե մենք չունենանք գերարդիական պետություն՝ իր կառուցվածքով, զինված ուժեր՝ժամանակակից մարտարվեստի տիրապետող եւ գերժամանակակից զենքով զինված, իմացեք, որ մենք ապագա չունենք»,-ի թիվս այլնի՝ նշեց Լեւոն Շիրինյանը:
Հավելենք, որ Քրիստոնեա-ժողովրդավարական կուսակցության քվեաթերթիկի համարն է 12-ը: Կուսակցությունը հայտարարում է, որ համադրում է մեր դարավոր արժեքները 21-րդ դարի հնարավորությունների հետ, չի խոստանում, այլ կառուցում է թվային արդարություն:
Մանրամասն՝ տեսանյութում
