«Ազատություն». Ադրբեջանի արտգործնախարար Ջեյհուն Բայրամովը Նյու Յորքում հանդիպել է ՄԱԿ-ի գլխավոր քարտուղար Անտոնիու Գուտերեշի հետ։ ՄԱԿ-ի Անվտանգության խորհրդում անցկացվող բաց քննարկումների շրջանակում պաշտոնյաները քննարկել են նաև Հայաստան-Ադրբեջան հարաբերությունների կարգավորման գործընթացը։ Ըստ Բաքվի, անդրադարձ է կատարվել «նախկին հարկադիր տեղահանվածների վերադարձի ապահովման, վստահության ամրապնդման ու տարածաշրջանում ականների» խնդիրներին։
