«Մենք հայ պաշտոնյաների հայտարարություններն ենք լսում, որ Երեւանը մտադիր է պահպանել Ռուսաստանի հետ հարաբերությունները, որ թույլ չեն տա ոչ մեկին օգտագործել Հայաստանը մեր երկրի դեմ։ Սակայն մենք սովոր ենք դատել ոչ թե խոսքերով, այլ գործերով։ Իսկ գործերը, չգիտես ինչու, գնալով ավելի ու ավելի են հեռանում այդ խոսքերից»,- այսօր ճեպազրույցում ասել է ՌԴ ԱԳՆ խոսնակ Մարիա Զախարովան։
Նրա խոսքով՝ Ռուսաստանը երբեք դեմ չի եղել, որ Հայաստանը դիվերսիֆիկացնի իր արտաքին կապերը, սակայն, ըստ նրա, Հայաստանի իշխանությունների այսօրվա քաղաքականությունը դժվար թե կարելի լինի այդպես անվանել, իսկ Ռուսաստանի համատեքստում առհասարակ դժվար է խոսել դրա հավասարակշռվածության մասին:
Զախարովան ընդգծել է, որ ՌԴ-ն, ինչպես միշտ Հայաստանին համարում է իր դաշնակիցը եւ չի փոխել Երեւանի հանդեպ վերաբերմունքը. «Հայաստանի եւ նրա քաղաքացիների հանդեպ Ռուսաստանի վերաբերմունքը չի փոխվել։ Ինչպես առաջ, այնպես էլ հիմա մենք այս երկիրը համարում ենք Հարավային Կովկասում մեր բնական գործընկերը, իսկ հայ ժողովրդին՝ եղբայրական ժողովուրդ։ Մենք բացառապես խաղաղություն ու բարգավաճում ենք կամենում նրանց»:
Կարդացեք նաև
Արփինե ՍԻՄՈՆՅԱՆ
