ԵՊՀ գիտական խորհուրդը որոշել է սկսել Արտասահմանյան գրականության ամբիոնի լուծարման գործընթացը։
Այս քայլը պայմանավորված է ամբիոնի վարիչ Անուշ Սեդրակյանի նկատմամբ քաղաքական հաշվեհարդարով, քանի որ նրա քաղաքական հայացքները հակասում են Նիկոլ Փաշինյանի կողմից վարվող քաղաքականությանը,
Այս որոշումը պարզապես դատապարտելը բավարար չէ․ նրա վրա պետք է նաև ծիծաղել։
Հատկապես հաշվի առնելով, որ Արտասահմանյան գրականության ամբիոնի ուսումնասիրման հիմնական ոլորտներից մեկը արևմտյան գրականությունն է, մինչդեռ Հայաստանի հասարակությանը շարունակաբար ներկայացվում է եվրոպական ինտեգրման օրակարգը։
Կարդացեք նաև
«Ակն ընդ ական» վավերագրողների համայնքը դատապարտում է այս որոշումը և ծիծաղում դրա անհեթեթության վրա։ Մեզ հետ են նաև արտասահմանյան գրականության հեղինակները, որոնց խոսքերը միահյուսելով՝ կազմվում է այս հավաքական պատասխանը։
«Մի՞թե դուք կարծում եք, որ եթե մեզ լռեցնեք, կլռեցնեք նաև ճշմարտությունը [1]։ Ո՛չ, դուք կառուցում եք ձեր տները պատշգամբներին, որոնք հենված են անդունդի վրա [2]։
Աշխարհի ամենասարսափելի հանցագործությունը ոչ թե անարդարություն գործելն է, այլ անտարբերությունը նրանց հանդեպ, ովքեր տառապում են անարդարություն գործելուց [3]
Մարդիկ գիտեն ամեն ինչի գինը, բայց ոչ մի բանի արժեքը չգիտեն [4]։ Նրանք վառում են այն ամենը, ինչը չեն կարողանում հասկանալ, և սպանում են այն, ինչից վախենում են [5]։ Բայց դուք չեք կարող սպանել գաղափարները, դուք չեք կարող ջնջել հիշողությունը [6]։ Գրականությունը նորություն է, որը մնում է նորություն [7]։ Ովքեր այրում են գրքերը, ի վերջո կսկսեն այրել նաև մարդկանց [8]։
Բայց հիշե՛ք, ձեռագրերը չեն այրվում [9]։ Եվ պատերազմի այս փոթորկից հետո, վերջում, միևնույն է, լույսը կհաղթի խավարին [10]»։
Մեջբերումների հղումները (աղբյուրները)․
[1] Էմիլ Զոլա – «Ես մեղադրում եմ»
[2] Ֆրանց Կաֆկա – «Օրագրեր»
[3] Բեռնարդ Շոու – «Սուրբ Ժաննա»
[4] Օսկար Ուայլդ – «Դորիան Գրեյի դիմանկարը»
[5] Ռեյ Բրեդբերի – «451 աստիճան ըստ Ֆարենհայթի»
[6] Վիկտոր Հյուգո – «93 թվականը»
[7] Էզրա Փաունդ – «Ընթերցանության այբուբենը»
[8] Հայնրիխ Հայնե – «Ալմանսոր»
[9] Միխայիլ Բուլգակով – «Վարպետը և Մարգարիտան»։
[10] Ջոն Ռոնալդ Ռուել Թոլքին – «Մատանիների տիրակալը»
