«Ռուբեն Ռուբինյանը նշում էր, որ բռնաճնշումներ չկան։ Ինձ հետաքրքիր է՝ եթե ՀՀ-ում չկան բռնաճնշումներ, քաղբանտարկյալներ, այդ դեպքում պարզ ժեստի համար ինչի՞ եմ ես շուրջ երկու ամիս կալանավորվել»,- ԱԺ նիստի ժամանակ հարցրեց «Ուժեղ Հայաստան» խմբակցության պատգամավոր Ռուբեն Մխիթարյանը՝ անդրադառնալով Ռուբեն Ռուբինյանի հայտարարություններին։
Հետո էլ հիշեցրեց․ «Ես ունեմ ընկեր, մեր առաջամարտիկ, պայքարի ընկերներից Ալիկ Ալեքսանյանը, նրա կալանքի ժամկետը երկարաձգվեց ևս երկու ամսով։ Էլի խնդիր չկա, մենք մեր պայքարից չեն ընկրկում։ Ունենք շատ ընկերներ, որոնք կալանավորված են»։
Անդրադառնալով Ռուբեն Ռուբինյանի՝ ԱԺ նախագահի պաշտոնում թեկնածությանը՝ Ռուբեն Մխիթարյանն ասաց․ «Ամեն ինչ գնում է նրան, որ ընտրվելու եք ԱԺ նախագահ, բայց Դուք չեք լինելու ԱԺ նախագահ։ Բարեկրթության մասով էլ՝ ում հարգանք, նրան հարգանք, ում պատիվ՝ նրան պատիվ»։
Կարդացեք նաև
ԱԺ նիստն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
Լուսանկարը՝ Ռուբեն Մխիթարյանի ֆեյսբուքյան էջից
