Ազգային-ժողովրդավարական բևեռի խորհրդի անդամ Արա Պապյանի ֆեյսբուքյան գրառումը
Այսօր այնպես են խոսում արտասահմանում կրթություն ստացած մասնագետներին Հայաստան բերելու և պետական կառավարման համակարգում ներգրավելու մասին, կարծես դա բոլորովին նոր բան է։ Դա արվել է անկախության առաջին տարիներից և արվել է մշտապես։ Իմ ղեկավարած վարչության աշխատակիցների կեսից ավելին Հարվարդի և Թաֆթսի համալսարաններում քաղաքագիտություն և դիվանագիտություն ուսանածներ էին։
Մարդիկ մոռանում են, որ պետական աշխատողը զուտ թիավար է, իսկ նավի ուղղությունը և վերջնական հանգրվանը որոշում է քաղաքական ղեկավարությունը։
Հետևաբար, եթե նավապետը տգիտության, դիտավորության կամ դավաճանության պատճառով նավը սխալ ուղղությամբ է տանում, ապա թիավարի ջանասեր թիավարությունից որևէ բան չի կարող փոխվել։ Ավելին, նավն ավելի մեծ արագությամբ կարող բախվել խութերին և ջրասույզ լինել։
Կարդացեք նաև
Նաև պիտի հիշել արտասահմանում կրթություն ստացած, այսպես կոչված, բազմաթիվ մասնագետներին, որոնց աշխատանքից Հայաստանն ավելի վնասվել է, քան օգտվել։
