«Շամիրամ» կուսակցությանը մոտ կանգնած աղբյուրներն «Առավոտին» հայտնեցին, որ անջատվել են իրենց գրասենյակի բոլոր հեռախոսները։ Անջատողը ՆԳ եւ ԱԱ նախարարությունն է։ Հանգստացեք, չկա որեւէ քրեական տարր։ Պարզապես, երբ Վանո Սիրադեղյանն է եղել ՆԳ նախարար, «Շամիրամի» հեռախոսները նստեցրել է ՆԳՆ-ի հաշվեկշռին, որոնք Սերժ Սարգսյանի օրոք եւս գործել են երկար ժամանակ՝ ընդհուպ մինչեւ վերջին օրերը։
ՄԱՔԵՅԱՆԸ՝ ՀԻՎԱՆԴԱՆՈՑՈՒՄ
Շուրջ մեկ շաբաթ առաջ մասնակցելով «Հայրենիք» պատգամավորական խմբի եւ «Նաիրիտ» ֆուտբոլային թիմերի միջեւ տեղի ունեցած հանդիպմանը, ԱԺ պատգամավոր Պետրոս Մաքեյանը կոտրել է ոտքը, այն վնասելով ճանի շրջանում։ Այժմ պատգամավորը «Էրեբունի» հիվանդանոցում է։ Առողջություն ենք մաղթում։
ԿԱԴՐԱՅԻՆ ԹԱՐՄԱՑՈՒՄՆԵՐ ՏԵՂԵԿԱՏՎՈՒԹՅԱՆ ՎԱՐՉՈՒԹՅՈՒՆՈՒՄ
Կարդացեք նաև
Հայտնի լրագրող Նարինե Դիլբարյանի հայրը՝ Հակոբ Դիլբարյանը, նշանակվել է Տեղեկատվության եւ գրահրատարակչության վարչության աշխատակազմի ղեկավար։ Նույն վարչությունում կադրային եւս մի հարց է լուծվել. մասնագիտությամբ անասնաբույժ եւ արհեստավարժությամբ մի պանրագործ նշանակվել է, ըստ չճշտված տեղեկությունների՝ ցանցային տեղեկատվության բաժնի պետ։
