Խորհրդարանական օրվա ավարտին պարզվեց եւս մի հետաքրքիր դետալ. ե՛ւ ԱԺ նախագահ Խոսրով Հարությունյանը, ե՛ւ ՀՀ նախագահ Ռոբերտ Քոչարյանը ստորագրել են ընտրական օրենսգրքի այն տարբերակը, որը խմբագրումներով ու վրիպակներով իրենց է ներկայացրել Վիկտոր Դալլաքյանը։
ՎԻԿՏՈՐԸ ԳՆԱՀԱՏՈՒՄ Է ՆԱԽԿԻՆՆԵՐԻՆ
«Կանոնակարգված չէ, թե ինչպես պետք է Ազգային ժողովից փաստաթղթերն ուղարկվեն պրեզիդենտի ապարատ, բայց կա տրադիցիա, որը գործել է նաեւ ԱԺ նախորդ ղեկավարության ժամանակ, այդ թվում նաեւ այն մարդու ղեկավարության, որի գլուխը ժամանակին ջարդվեց ժողովրդի կողմից, եւ ես կարծում եմ, որ ճիշտ են արել այդպես վարվելով»։ Ընտրական օրենսգրքում տեղ գտած վրիպակների վերաբերյալ բացատրություններ տալով լրագրողներին, այսպիսի հայտարարությամբ հանդես եկավ պատգամավոր Դալլաքյանը։
ՎԻԿՏՈՐԻ ԳՅՈՒՂԸ
Կարդացեք նաև
Նրան ի պատասխան Արա Սահակյանն ասաց. «Մի քանի պատգամավոր, այդ թվում եւ ես, առաջարկեցինք ԱԺ նախագահին դիմել դատախազություն՝ օրենքի տեքստի աղավաղման փաստի առիթով քրեական հետապնդում սկսելու նպատակով։ Մենք որեւէ ազգանուն չենք նշել, սակայն Վ. Դալլաքյանը հանդես է եկել ինքնախոստովանությամբ, որը, կարծում եմ, դատաքննության ժամանակ կարող է գնահատվել որպես մեղմացուցիչ հանգամանք»։ Սահակյանի խոսքին ներկա ԱԺ պատգամավոր Անդրանիկ Քոչարյանն էլ հարկ համարեց ասել, որ ինքը ճշտել է Վ. Դալլաքյանի արմատները՝ նա Լոռվա մարզի Բոզի գյուղից է։
Սեփ. լր.
