Վերջերս առիթ ունեցանք համոզվելու, որ «Հայլուրը» ոչ միայն տարածաշրջանի, այլեւ աշխարհի լավագույն լրատվական ծառայությունն է։ Հաճախ այն հաղորդում է լուրեր, որոնցից անտեղյակ են անգամ BBC-ն, CNN-ը, PTP-ը, OPT-ն, DW-ն… Այսպես. «Կուրսկ» ատոմային սուզանավի խորտակումից օրեր անց «Հայլուրը» բացառիկ մի լուր հայտնեց, թե զոհվել է վեց փրկարար։ Այս ողբերգության պատկերն առավել մթագնեց «Հայլուրի» մեկ այլ եզակի տեղեկություն, թե Հյուսիսային նավատորմում կա ընդամենը երկու ջրասուզակ։ Իսկ օգոստոսի 22-ին, երբ ռուս զինվորականները պաշտոնապես հայտարարել էին, որ սուզանավի անձնակազմը զոհվել է, «Հայլուրն» ավետեց. «Կարճատեւ դադարից հետո վերսկսվել են փրկարարական աշխատանքները Բարենցի ծովում»։
ԶԳՈՒՇԱՑԻՐ ԱՎՏՈՄԵՔԵՆԱՅԻՑ
Ականատեսների վկայությամբ՝ մայրաքաղաքի մեքենայի շուկայում արդեն վաճառքի են հանված Սամվել Բաբայանի (կամ նրան վերագրվող) «ավտոպարկից» երեք արտասահմանյան մեքենա, հասկանալի է՝ ԼՂՀ համարանիշերով։ Գնորդներ առայժմ չեն հայտնվել։
Կարդացեք նաև
ԾՆԵԼԻՈՒԹՅՈՒՆԸ ԲԱՐՁՐԱՑՆԵԼՈՒ ՆՊԱՏԱԿՈՎ
Ինչպես հաղորդում է utro.ru ռուսաստանյան էլեկտրոնային թերթը, Հայաստանի կառավարությունը որոշում է ընդունել ԼՂՀ-ում ծնելիությունը խթանելու մասին՝ այդ նպատակի համար հատկացնելով 420 միլիոն դրամ։ Հունվարի 1-ից ԼՂՀ ազգային բանկում ցանկացած երրորդ եւ հաջորդ երեխայի համար դոլարային հաշիվներ են բացվելու։
