Ե՞րբ եւ ո՞ր գործիչն է այսպես արձագանքել լրագրողի այն տպավորությանը, թե կարծես իր զրուցակիցը շատ վատ կարծիք ունի հարկային քաղաքականության մասին. «Միանշանակ, այո՛։ Երբ ասում են՝ հարկային քաղաքականություն, ծիծաղս գալիս է։ Ախր, մենք չունենք այդպիսի քաղաքականություն։ Մենք ունենք հարկային օրենքներ, մաքսային օրենքներ, որոնք, իմ կարծիքով, հատուկ մշակված-նախատեսված են, որ դրանց հաշվին հարստանան զանազան տեսչություններ եւ վերահսկող մարմիններ։ Այլապես, ինչպե՞ս հասկանալ, որ օրենքը դրդում է գնալ խախտումների։ Այսօր, որպեսզի կարողանաս գլուխ հանել 7 տեսակի ուղղակի, 10 տեսակի անուղղակի հարկերից, զանազան տուրքերից, ֆիրմայում պետք է ունենաս պրոֆեսիոնալ հաշվապահների բանակ»։
ՆԱԽՈՐԴ
«Ով էլ ասել է՝ ճի՛շտ է ասել»,- այսպես գնահատեց մեր ընթերցողներից մեկը տվյալ միտքը. «Դաշնակցություն կուսակցությունն ավելի ու ավելի շատ է դառնում ռուսական քաղաքականության առարկա»։ Սակայն հեղինակին ճիշտ չգուշակեց ոչ ոք։ Նախկին դաշնակցական Իգոր Մուրադյանն էր 1995-ին արել այդ եզրահանգումը։
