Լուսանկարը՝ «ՀԺ»-ից
ԱԺ պատգամավոր Սամվել Ալեքսանյանը (Լֆիկ Սամո) Գերմանիայում քիթը վիրահատելուց եւ թարմ մտքեր ծնելուց հետո վերջնական որոշում է կայացրել առաջադրվել Երեւանի թիվ 7 ընտրատարածքում։
– Մալաթիա–Սեբաստիա վարչական շրջանում գտնվող մյուս ընտրատարածքում էլ փեսային եք ուզում առաջադրել։ Այո՞։
– Այո՛, Նահապետյան Կորյունն է առաջադրվում։
– Այսինքն՝ մյուս ընտրատարածքն էլ եք «բրոնյա» արել:
Կարդացեք նաև
– Բրոնյա չենք արել, ժողովուրդն ա արել։ Ուզում են, էդ մարդն էլ դնում ա։
– Բայց չէ՞ որ այդ ընտրատարածքն Էլ Ձեր քավորինն է՝ ԱԺ նախկին պատգամավոր Հակոբ Հակոբյանինը։ Չի՞ նեղանա, մտավախություն չունե՞ք հարաբերություններ փչացնել։
– Քավորս չի ուզում էլ դնի հիմա։
– Ինչո՞ւ, տեղյա՞կ եք։
– Քավորս ֆռֆռում է հիմա Բաթումիներով, Օդեսաներով։ Լրիվ տուրիստ ա դառել։
– Դուք իր հետ խոսել եք եւ ճշտել, որ նա այլեւս չի՞ ուզում պատգամավոր դառնալ։
– Ինքը չի ուզում, չէ, ինքը չի նեղանա։ Ինքը ինչի՞ պիտի նեղանա ինձնից։
– Դե որ իր ընտրատարածքից այլ մարդու եք կրկին փորձում պատգամավոր դարձնել, դրա համար։
– Ցավդ տանեմ, ինքը չի ուզում դնի, էլի։ Ինքը հիմա ասում ա. «Ես հերիք ա աշխատեմ, դուք աշխատեք, ես ֆռֆռամ»:
Թամարա ՄԻՔԱՅԵԼՅԱՆ
«Ժողովուրդ»
