Նույնիսկ` լուծարվելու գնով
Այսօր «Չորրորդ ինքնիշխանություն» թերթին տված հարցազրույցում ՀԱԿ առաջնորդ Լեւոն Տեր-Պետրոսյանը խոսել է ՀԱԿ-ի հիմքով` նոր կուսակցություն ձեւավորելու հնարավորության մասին:
«Ինչ վերաբերում է «Հայ ազգային կոնգրեսի» կազմակերպական ձևին, ապա, ինձ թվում է, առայժմ կարելի է պահպանել Համաժողովրդական շարժման կառուցվածքն ու ձևավորված մարմինները՝ Քաղաքական խորհուրդը և Գործադիր վարչությունը։ Ըստ այդմ, «Կոնգրեսի» ստեղծումը Շարժման անդամ-կուսակցությունների միաձուլում չի նշանակում. վերջիններս շարունակելու են պահպանել իրենց ինքնուրույնությունն ու կառուցվածքը, ինչպես նաև անկախ քաղաքական գործունեություն ծավալելու իրավունքը։ Մյուս կողմից, նման բազմազանությունը չի նշանակում նաև, որ խոսքը վերաբերելու է մի արհեստական, խայտաբղետ կազմակերպության, քանի որ մեզ բոլորիս միավորում է մի այնպիսի վեհագույն գաղափար, որպիսին ազատ, ժողովրդավարական, իրավական, բարգավաճ պետության կերտումն է։ Չի բացառվում, անշուշտ, որ համատեղ գործունեության և գաղափարախոսական դիրքորոշումների մերձեցման արդյունքում «Կոնգրեսը» հետագայում վերածվի կուռ կառուցվածքով օժտված կենտրոնամետ կուսակցության»,- ասել էր Տեր Պետրոսյանը:
ՀՀՇ վարչության փոխնախագահ Վահագն Հայոցյանն Aravot.am-ի հարցին` Հայոց համազգային շարժում կուսակցությունում կո՞ղմ են, թե` դեմ, ՀԱԿ-ի հիմքով նոր կուսակցություն ստեղծելու գաղափար-առաջարկին, ասաց. «Միանշանակ` կողմ»: Հետաքրքրվեցինք` ինչպե՞ս են պատկերացնում այդ գործընթացը. ՀՀՇ-ն պետք է լուծարվի եւ անդամակցի նոր ստեղծվելիք կուսակցությա՞նը, թե՞ ՀՀՇ-ի շուրջ են պատկերացնում համախմբումը, Հայոցյանն ասաց, որ դրանք տեխնիկական խնդիրներ են, դեռ այդքան էլ պարզ չէ` թե ինչպե՞ս պետք է արվի, բայց համոզված է, որ լուծում կգտնվի:
Կարդացեք նաև
Նելլի ԳՐԻԳՈՐՅԱՆ
Այսինքն ամբողջ այս անցած ուղին մեկ նպատակ էր հետապնդում???: փոխել ՀՀՇի անունը այլ անունով ներկայանալու համար….հիասթափված եմ…