Հայաստանի երկրորդ նախագահ Ռոբերտ Քոչարյանը ժամանակ առ ժամանակ հայտնվում է լրատվամիջոցների էջերին: Պետք է խոստովանել, որ, որպես կանոն, լրատվամիջոցներում Քոչարյանի հայտնվելն անարձագանք չի մնում: Խոսքը վերաբերում է նրա հարցազրույցներին, քաղաքագիտական և ներքաղաքական վերլուծություններին ու մեկնաբանություններին:
Քոչարյանի վերջին ելույթը` « Լավ ընկերոջ համար անգամ կյանքը կտա Ղարաբաղցին » թեմայով, նույնպես անարձագանք չմնաց և բոլորեքյան վերլուծության ենթարկվեց լրագրողների, քաղաքագետների, քաղաքական գործիչների և Հայաստանի շարքային քաղաքացիների կողմից:
Հայաստանի շարքային քաղաքացիներից մեկն էլ ես եմ, որ Քոչարյանի վերջին ելույթի վերլուծության գայթակղությունը հաղթահարելով` ուզում եմ անդրադառնալ Քոչարյանի հայտնության միանգամայն այլ դրսևորումներին:
Ժամանակ առ ժամանակ Հայաստանի երկրորդ նախագահը թերթերում ու լրատվական կայքերում հանդես է գալիս լուսանկարներով: Ավելի ճիշտ, ոչ թե ինքն է հանդես գալիս, այլ իրեն են հանդես բերում` իր համակիրները կամ, ընդհակառակը, չուզողները:
Կարդացեք նաև
Քոչարյանը ընտանիքի ֆոնին: Կամ` հակառակը:
Քոչարյանը մարտի դաշտում` զինակիցների հետ կամ, ընդհակառակը, մենմենակ:
Բայց ամենատպավորիչն, իհարկե, կենդանական աշխարհի զանազան ներկայացուցիչների հետ Ռոբերտ Քոչարյանի լուսանկարներն են: Առաջին հերթին, իհարկե, գազանների արքայի` առյուծի հետ:
Առյուծը կարծես թե դարձել է մեր ներքաղաքական կյանքի բաղկացուցիչներից մեկը: Գաղտնիք չէ, որ հայրենի քաղաքական դաշտի պաշտոնապես երկրորդ դեմք հանդիսացող Գագիկ Ծառուկյանն իր բնակելի տարածքում մեծահոգաբար տեղ է տվել գազանների արքային: Գազանների արքան նաև «Մուլտի գրուպի» խորհրդանիշն է հանդիսանում:
Բայց, ի տարբերություն Ծառուկյանի բակում բնակվող առյուծի, Ռոբերտ Քոչարյանի հետ լուսանկարված գազանների արքան վանդակից ամբողջովին դուրս է: Քոչարյանն, իհարկե, կենդանական աշխարհի զանազան այլ ներկայացուցիչների հետ էլ լուսանկարներ ունի, բայց գազանների արքայի հետ լուսանկարն ամենատպավորիչն է և զանազան խորհրդածությունների տեղիք է տալիս:
Խորհրդածություն առաջին. Հայաստանի երկրորդ նախագահի հետ լուսանկարված առյուծը ո՞ղջ է, թե` սատկած:
Խորհրդածություն երկրորդ. եթե սատկած է, արդյո՞ք այդ առյուծին քաջարի ու քաջասիրտ որսորդ Ռոբերտ Քոչարյանն է սատկացրել:
Խորհրդածություն երրորդ. առյուծին ոչ թե Հայաստանի երկրորդ նախագահն է սատկացրել, այլ միանգամայն անհայտ ուրիշները, և տվյալ առյուծն ընդամենը առյուծի խրտվիլակ է ու նախատեսված է հատուկ այն նպատակով, որ ցանկացողներն իր հետ լուսանկարվեն. ճիշտ այնպես, ինչպես Կարմիր հրապարակում քաղաքացիները Գորբաչովի, Ելցինի կամ Պուտինի խրտվիլակների հետ են լուսանկարվում:
Եվ վերջապես` խորհրդածություն չորրորդ. Ռոբերտ Քոչարյանի հետ լուսանկարված գազանների արքան իսկական` ողջ և առողջ առյուծ է, և երկուսի այդ համատեղ լուսանկարը չափազանց պերճախոս վկայում է Հայաստանի երկրորդ նախագահի քաջության ու անվախության մասին:
Մի խոսքով` իսկը վոյին:
Համաձայնվեք, որ սա շատ ավելի լուրջ գործ է, քան` բասկետբոլ խաղալը:
ՈՐՍԿԱՆ ԵՐԵՎԱՆՑԻ
ճիշտն ասած կենդանի, վայրի առյուծը նման անկենդան, անհույս, գունատ, անապագա, պասիվ ու մեռած տեսք չի կարող ունենալ և ոչ էլ Ռոբերտը նման հանգիստ դեմք կենդանի առյուծի ներկայությամբ…հաստատ կենդանի առյուծ չէ… հակառակ դեպքում ex-նախագահը կենդանի չէր լինի 🙂
Գեղեցիկի ու կենդանության այլանդակ ոչնչացումն է գովազդում?Հրաշալի է,չէ’,հրեշալի է:
Իսկ նկարում Առյուծը ո՞րն է, վրաինը, թե՞ տակինը…
կենդանի չէ այս առյուծը, հակառակ դեպքում մեծն Քոչարյանը կենդանի չէր լինի 😀
Որքան կարող է մարդ կոչեցյալը դաժան լինել և անմարդկային,՝ նավ գազանի հանդեպ։