Երևանի քաղաքապետ Տարոն Մարգարյանը «Դինամո» մարզահամալիրում ներկա է եղել «Երեք սերունդ» մարզական փառատոնի եզրափակիչ մրցումներին։ Փառատոնի առաջին փուլին մասնակցել է երևանաբնակ 9 ընտանիք՝ ավագ, միջին և կրտսեր տարիքի 4 անդամներով։
Փառատոնում ներառված են փոխանցումավազքեր մարզական տարբեր գույքերով, պարանի ձգման մրցումներ։
Երևանաբնակ ընտանիքների՝ «Երեք սերունդ» մարզական փառատոնի եզրափակիչ փուլում միավորների առավելությամբ հաղթող է ճանաչվել Արաբկիր վարչական շրջանը ներկայացնող Սանթրոսյանների ընտանիքը, երկրորդ և երրորդ տեղերում Նորք–Մարաշ և Կերտոն վարչական շրջաններն են։ Առաջին 3 տեղերը զբաղեցրած մարզասեր ընտանիքներին մրցանակներն ու դիպլոմները հանձնել է Երևանի քաղաքապետ Տարոն Մարգարյանը։
Երևանի քաղաքապետարանի նեխաձեռնած մարզական փառատոնին իրենց մասնակցությունը մարզական ընտանիքները կարևորել են որպես սիրողական սպորտն ու առողջ ապրելակերպը խրախուսելու լավագույն միջոց և նկատել, որ այսօր Երևանի տասնյակ բակերում տեղադրված, նաև տեղադրվող մարզական գույքը ևս նպաստում է մարզասեր սերունդ դաստիարակելու գործին։
Երևանի քաղաքապետարանի տեղեկատվության
և հասարակայնության հետ կապերի վարչություն
