Սահմանագոտու բնակիչները հազիվ «յոլա են գնում»
Տավուշի մարզի Նոյեմբերյանի տարածաշրջանի սահմանամերձ Կոթի, Բարեկամավան, Ոսկեվան, Ոսկեպար, Բաղանիս եւ Ջուջեւան գյուղերը Հայաստանի անկախացումից հետո չեն օգտվել բնական գազից: Ներկայումս այդ գյուղերի համար բնական գազի մատակարարման ցանց է կառուցվում: Սակայն դրանից սահմանագոտու բնակիչներն այնքան էլ ուրախ չեն:
«Գազը, որ թանկանում է, ո՞նց ենք օգտվելու: Մեր վիճակը վիճակ չէ: Մի կերպ յոլա ենք գնում, ժողովուրդը քոչում է Ռուսաստան», -մեզ բողոքեցին սահմանամերձ Կոթիի բնակիչները: Նրանցից մեկն էլ հույս հայտնեց, որ սահմանագոտու բնակիչների համար գուցե ցածր սակագին սահմանվի, կամ կառավարությունն իր պահուստային ֆոնդից մասամբ հատուցի սահմանին կից գյուղերի բնակիչների սպառած բնական գազի գումարը:
«Պահուստային ֆոնդի փողերը հազիվ իրենք են ծախսում»,- համագյուղացուն արձագանքեց Ադրբեջանի հետ 38 կմ սահման ունեցող Կոթի գյուղի մեկ այլ բնակիչ:
Կարդացեք նաև
Նշենք, որ սահմանամերձ գյուղերի գազիֆիկացման ծրագիրն իրականացվումէ «ԻՖԱԴ» կազմակերպության ֆինանսավորմամբ, ծրագրի արժեքը 740 միլիոն դրամ է: Ծրագրում այդ գյուղերի համար նախատեսված ներդրումը՝ 72 միլիոն դրամ, նվիրաբերել է գործարար, թիվ 40 ընտրատարածքից ԱԺ նախկին պատգամավոր Միքայել Վարդանյանը:
Ոսկան ՍԱՐԳՍՅԱՆ
Իսկ կաշառքով Նախագահ ընտրելուց,՝ ի՞նչ էիք մտածում: