Նոյեմբերի 19-ին Տավուշի մարզի Բերդի տարածաշրջանի 17 համայնքապետերից 15-ի ստորագրությամբ նամակ է ուղարկվել ՀՀ նախագահ Սերժ Սարգսյանին, որտեղ բողոք է հայտնվել Վազաշեն-Պառավաքար սահմանամերձ, վտանգավոր հատվածում նախատեսվող նոր ճանապարհի կառուցման Տավուշի մարզպետ Արմեն Ղուլարյանի ծրագրի դեմ: Բերդի տարածաշրջանի համայնքների ղեկավարները համոզված են, որ նոր ճանապարհը չի ապահովելու երթեւեկողների անվտանգությունը: Մեր տեղեկություններով՝ նամակի տակ չի ստորագրել այդ օրը գործերով Երեւանում գտնված համայնքապետերից մեկը եւ Պառավաքարի գյուղապետ Ռոլանդ Մարգարյանը: Վերջինիս դիրքորոշումը պարզ է, քանի որ պառավաքարցիներին ձեռնտու չէ Պառավաքար-Վազաշեն ճանապարհի փակ լինելը: Նոյեմբերի 20-ին մի խումբ պառավաքարցիներ Վարագավանի խաչմերուկի մոտ ցրել են վերոհիշյալ ճանապարհը փակող քարակույտը:
Նոյեմբերի 22-ին Տավուշի մարզպետարանում կայացել է արտակարգ իրավիճակների նախարարության աշխատակիցների, համայքների ղեկավարների մասնակցությամբ խորհրդակցություն, որին մասնակցել է նաեւ արտակարգ իրավիճակների նախարարության Հայաստանի փրկարար ծառայության տնօրենի տեղակալ Նիկոլայ Գրիգորյանը: Բերդի տարածաշրջանի համայնքապետերը ի նշան Վազաշեն-Պառավաքար հատվածում նոր ճանապարհի կառուցման ծրագրի դեմ բողոքի, բոյկոտել են այդ խորհրդակցությունը: Մեր տեղեկություններով՝ խորհդակցությանը Բերդի տարածաշրջանի 17 համայնքների ղեկավարներից մասնակցել է միայն 2 -ը: Տավուշի մարզպետարանի տեղեկատվության եւ հասարակայնության հետ կապերի բաժնի աշխատող Աննա Մանգասարյանին հարցրեցինք, թե մարզպետարանում խորհրդակցությանը Բերդի տարածաշրջանի քանի՞ համայնքապետ է մասնակցում: Նա ասաց, որ կճշտի եւ մեզ կփոխանցի: Որոշ ժամանակ անց նա հեռախոսով տեղեկացրեց, որ ինքը չի կարող այդ տեղեկությունը հայտնել, քանի որ մարզպետարանում փակ խորհրդակցություն է՝ ըստ քաղաքացիական պաշտպանության պլանի:
Վազաշեն-Պառավաքար հատվածում նոր ճանապարհ կառուցելու, երթեւեկը սահմանամերձ, վտանգավոր հատվածով իրականացնելու մարզպետ Արմեն Ղուլարյանի մտադրությունը Բերդի տարածաշրջանում, ի թիվս այլ պատճառների, բացատրում են նաեւ Իջեւան-Ազատամուտ ճանապարհին եւ Բերդ քաղաքի մուտքի ավտոգազալցավորման ճնշման կայաններում մարզպետի ունեցած շահերով: Եթե Իջեւան-Բերդ երթեւեկը կատարվի Իջեւան-Գանձաքար-Իծաքար-Նավուր-Բերդ ճանապարհով, այդ 2 կայաններում քիչ ավտոմեքենաներ կլիցքավորվեն:
Ոսկան ՍԱՐԳՍՅԱՆ
Ղուլարյանը յոթ երգ գիտի,յոթն էլ իր գրպանի մասին:Նա մոռանում է,որ սահմանամերձ մարզի մարզպետը պետք է մտածի ժողովրդի մասին,ամեն ինչ անի նրանց Տավուշում պահելու համար,ոչ թե իր կամայականությունների պատճառով բոլորին հեռացնեի այստեղից:Ինչ ուզում է ասենք,ասողին լսող է պետք,իսկ նա ,, անմահ կաշչեյն,, է,իր որոշ համախոհների հետ….
Այս պահին զինված ավտոմատավորները կանգնած են մարզպետարանի դռների առաջ:Երևի հանուն Ղուլի /մարզպետին այդպես են ասում մարզում/ ոսկու հանքի շահագործման:Հա, ես էլ կարծեցի նկար են կախելու պատերից սև շրջանակներով:
Հավանաբար փրկարար ծառայության տնօրենի տեղակալ Նիկոլայ Գրիգորյանը և Տավուշի մարզպետն իրենց այս անհեթեթ խորհրդակցության փոխարեն պետք է մեկնեին Բերդի տարածաշրջան և համայնքների ղեկավարների հետ քննարկեին փաստացի շրջափակման մեջ գտնվող բնակչությանը ձմեռվա ամիսներին սննդամթերքով, վառելիքով և այլ անհրաժեշտ պարագաներով ապահովելու հարցերը: Դրա փոխարեն Իջևանում քննարկում են ինչ-որ պլանով նախատեսված ինչ-որ անհեթեթ հարց: Լավ է այս անգամ Իջևան քաղաքի կենտրոնի կիսակառույց շենքում անվադող չվառեցիք ու հերոսաբար հանգցիրիք: Դրա համար էլ ժողովուրդն իր հույսն իր վրա է դնում և դժբախտ են նրանք, ում հույսը դուք եք:
Ժողովուրդը շատ լավ ծանոթ է մարզային իշխանությունների անարդյունավետ ու վատ կառավարմանը,դրա համար էլ հույսը դրել է ինքը իր վրա:Տավուշցիներն էլ անկախ երկրի քաղաքացի լինելով իրավունք ունենք պահանջատեր լինել սեփական իշխանությունից,բայց նրանց լսող չկա:Ձայն բարձրացնողը միշտ սխալ է,խելացին միշտ ոտնահարված է,Ղուլարյանի նմանները առաջին շարքերում են:Խեղճ ժողովուրդ,դե արի ու սահման պահի:
?
EVERY NATION HAS THE GOVERNMENT IT DESERVES,EVERY SHOE FITS NOT EVERY .
Ոչ ոսկին է ձեզ փրկելու,
Ոչ սերժանտի ազատը,
Ոչ ռուսն է ձեզ պաշտպանելու,
Ոչ ձեր տեր հոր աղոթքը…
Ղուլը փրկված է գոմայգու
Աղա ախպոր բիզնեսով,
Ոսկու հանքով ու սերժանտի,
Քթից մտնող դոլարով:
ԱԱԾ-ում են իրար հետ,
Ծաղր ու ծիծաղ աշխարհի,
Էս բութիզմի վերջը միայն,
Մեծ կրակը կբերի:
That man that sits within a monarch’s heard,
And ripens in the sunshine of his favour,
Would be abuse the countenance of the king,
Alack! what mischiefs might be set abroach
In shadow of such greatness.