Շանհայում ամանորյա տոնակատարության ժամանակ հրմշտոցի պատճառով զոհվել է 35 մարդ, 42 հոգի վնասվածքներ են ստացել, հաղորդել են չինական զանգվածային լրատվամիջոցները: Գրում է bbc.co.uk-ը:
Հրմշտոցն սկսվել է կեսգիշերից մի քանի րոպե առաջ Շանհայի կարեւոր զբոսաշրջիկային գոտիներից մեկում: Ըստ սոցիալական ցանցերում հայտնված տեղեկատվության՝ գիշերային ակումբներից մեկի պատշգամբից կեղծ թղթադրամներ են նետել, ինչի հետեւանքով առաջացել է հրմշտոց: Ոստիկանները, շղթա կազմած, փորձել են զսպել ամբոխի ճնշումը, որպեսզի հնարավոր լինի դուրս բերել վիրավորներին:
Չինական լրատվամիջոցների տարածած տեղեկատվության համաձայն՝ տուժածները հիմնականում ուսանողներ են:
