ՀՀ ԱԺ արտահերթ նիստի ընթացքում ՀՀ էկոնոմիկայի նախարար Կարեն Ճշմարիտյանը որոշ պարզաբանումներ ներկայացրեց ավիացիայի ոլորտի հետ կապված: Մասնավորապես ՀՀ ԲՀԿ խմբակցության ղեկավար Նաիրա Զոհրաբյանը խորհրդարանում մտահոգություն էր հնչեցրել, թե ազգային փոխադրողի հայտ ներկայացրած ընկերություն կա, որին այստեղից այնտեղ են ուղարկում և չեն ցանկանում հանդիպել այդ կազմակերպության ներկայացուցիչների հետ:
Կարեն Ճշմարիտյանն այս առիթով ՀՀ ԱԺ-ում հայտարարեց. «Այդ կազմակերպության փաստաթղթերը թերի են և չեն բավարարում ավիացիոն անվտանգության և տեխնիկական նորմերին: Այդ դիմումը քաղավիացիայից չի էլ եկել էկոնոմիկայի նախարարություն: Մենք չենք ցանկանում վտանգի ենթարկել մեր քաղաքացիների անվտանգությունը: Ազգային փոխադրողի հասկացություն «Ավիացիայի մասին» ՀՀ օրենքում արծարծված չէ և դրա անհրաժեշտություն չկա»:
Դառնալով այն մտահոգություններին, թե մարդիկ մասսայաբար Թբիլիսիից են մեկնում եվրոպական երկրներ, պարոն Ճշմարիտյանը հայտարարեց, թե չկա նման բան:
Տաթև ՀԱՐՈՒԹՅՈՒՆՅԱՆ
