Երեկ ՀՀ կառավարությունում վարչապետ Հովիկ Աբրահամյանի գլխավորությամբ տեղի են ունեցել 2016 թվականի պետական բյուջեի նախագծի նախնական տարբերակի քննարկումները:
Նախնական այս տարբերակում թվային ցուցանիշներ դեռ չկան: Քննարկվել է միայն բյուջեի, այսպես կոչված՝ «տեքստային» մասը: Ցուցանիշների մասով քննարկումները կսկսվեն առաջիկայում: Ինչպիսի՞ն կլինի հաջորդ տարվա մեր բյուջեն: Որքա՞ն է լինելու համախառն ներքին արդյունքի ցուցանիշի կանխատեսումը, որքան են լինելու հարկային եկամուտները, ինչպիսի գնաճ է կանխատեսվում, որքան են լինելու բյուջեի դեֆիցիտը, մեր արտաքին պարտքը…:
Այս հարցերում կառավարությունում դեռեւս լիակատար անորոշություն է տիրում: Թերեւս կան արդեն նախնական ինչ-որ ցուցանիշներ, որոնք դեռ չեն հրապարակվում, բայց ամբողջ խնդիրը ոչ թե այն թվերն են, որոնք դրվելու են բյուջեի նախագծում, այլ այն, թե որքանով են կատարվելու դրանք: Անորոշությունը հենց այստեղ է:
Հրապարակումն ամբողջությամբ՝ «Հայկական ժամանակ» թերթում:
