ԲՀԿ խմբակցության ղեկավար Նաիրա Զոհրաբյանը հայտարարել էր, որ որոշ քաղաքական ուժեր վտանգավոր ցանցի են վերածվել։ «Իրատեսի» հետ զրույցում նա իր միտքն ավելի «խորացրեց»։
– Չնայած Դուք կարծում եք, որ արմատականությունն անընդունելի է, բայց հանրության զգալի հատվածը, որոշ քաղաքական ուժեր ևս կարծում են, որ եթե ընդդիմադիրներն արմատական պահանջներ չեն ներկայացնում, օրինակ, նախագահի, վարչապետի հրաժարականները, ուրեմն իրական ընդդիմություն չեն։
– Ցավոք, հանրությունը երկրում տիրող անարդարությունից այնքան է հիասթափվել, որ մի բան է ուզում՝ թող հայհոյեն, որ սիրտս հովանա։ Բայց հայհոյանքից արդյո՞ք հանրության խնդիրները լուծվում են, իհարկե՝ ոչ։ Քաղաքական այդ խմբակները սպասարկում են հանրային այդ կեղծ պահանջը։ Եթե հայհոյելուն հասնի, անհամեստ թող չթվա, բայց ես՝ Նաիրա Զոհրաբյանս, շատ քիչ մրցակից կարող եմ ունենալ։ Բայց դա ի՞նչ է լուծելու, է, բերեք հայհոյենք, ամբիոնը գրկենք, հրաժարական պահանջենք, ասենք՝ երեք րոպեից պահանջում ենք Սերժ Սարգսյանի հրաժարականը, այդ հարցը լուծվելո՞ւ է։ Վաղը հրավիրում ենք Ազատության հրապարակ իշխանափոխության, լինելո՞ւ է։
Որպես նախկին լրագրող էլ պիտի ասեմ, որ, ցավոք, մեր ընդդիմությունը միշտ պարտվել է։ Ունենք մի իշխանություն, որն ամեն գնով պահում է իշխանությունը։ Փողոցի պայքարի միջոցով հնարավոր չէ իշխանություն փոխել։
Կարդացեք նաև
Ռուզան ԽԱՉԱՏՐՅԱՆ
Հոդվածն ամբողջությամբ կարող եք կարդալ «Իրատես» թերթի այսօրվա համարում