Երևանի պետական համալսարանի բանասիրական ֆակուլտետի ուսանողների մի մասն այսօր առավոտից դասադուլ է անում` պահանջելով ԿԳՄՍ նախարար Արայիկ Հարությունյանի հրաժարականը։ «Նա ուզի-չուզի` հրաժարական է տալու, նա հեռանալու է։ Նա պետք է ժամանակին հեռանա։ Ձգձգելը հետեւանքներ է առաջացնելու իր համար։ Ուսանողներին անդաստիարակ համարողը, բայց միասեռականին ընդունողը պետք է հեռանա։ Ինչո՞ւ է ուզում կրճատել մեր հայոց լեզվի ժամերն ու մեկուսացնել լեզուն ու մշակույթը»,- հայտարարում են դասադուլ անող ցուցարարները։
Նրանք պնդում են, որ իրենց պայքարը կուսակցական չէ, ինչպես որոշ շրջանակներ են ներկայացնում, եւ որ իրենք պայքարում են հայոց լեզու, գրականություն և պատմություն առարկաների պահպանության համար։
https://www.facebook.com/aravot.am/videos/496437497881060/
Ուսանողները շրջում են համալսարաններով եւ կոչ անում միանալ դասադուլին` Արայիկ Հարությունյանի հրաժարականի պահանջով։
Կարդացեք նաև
Երթն ավարտվելու է ԿԳՄՍ նախարարության դիմաց, որտեղ նստացույց են անում ՀՅԴ երիտասարդները։
https://www.facebook.com/aravot.am/videos/1831660963645131/
Լուիզա ՍՈՒՔԻԱՍՅԱՆ
