Պատճառը արեւն է ու քամին: Առաջին խաղակեսից հետո ֆուտբոլիստները փոխում են դարպասները, որպեսզի ոչ-ոք չնեղանա: Եթե առաջին խաղակեսում արեւը «ծակում» էր տանտերերի դարպասապահի աչքերը, երկրորդ խաղակեսում նույն խնդրի առջեւ կկանգնի հյուրերի դարպասապահը: Եթե խաղադաշտում քամին փչում է մի ուղղությամբ, ապա դրա հետ կապված դժվարություններին կհանդիպեն երկու թիմերի դարպասապահներն էլ: Այնպես որ, ամենեւին էլ պատահական չէ, որ դարպասապահները երբեմն կեպի են կրում:
Ե՞րբ է այդ ավանդույթը ստեղծվել: Ճշգրիտ տարեթիվ դժվար է նշել, սակայն կա մի հետաքրքիր պատմություն: Երբ 1895 թվականին Անգլիայում կայացել է կանանց միջեւ առաջին ֆուտբոլային հանդիպումը, The Sketch թերթը սուր քննադատության է ենթարկել կանանց ֆուտբոլը եւ բազմաթիվ թերությունների շարքում նշել, որ նրանք անգամ մոռացել են առաջին խաղակեսից հետո փոխել դարպասները: Այնպես որ, այս ավանդույթը ֆուտբոլում կա շատ վաղուցվանից:
Աշոտ ՀԱԿՈԲՅԱՆ
