Տավուշի մարզի Սևքար բնակավայրում տեղադրվել է հուշարձան՝ նվիրված Արցախյան 44-օրյա պատերազմում զոհված սևքարեցիների հիշատակին։ Սևքար վարչական շրջանի ղեկավար Թաթուլ Թելոյանը Aravot.am -ի հետ զրույցում նշեց, որ նախաձեռնությունը եղել է իրենը։ Մտահաղացումն իրականություն է դարձրել քանդակագործ Արմեն Դավթյանը։
Հուշարձանը բացվել է հանդիսավոր արարողությամբ, որին ներկա են եղել նաև զոհված սևքարեցիներ՝ գնդապետ Թաթուլ Ղազարյանի, փոխգնդապետ Արթուր Հովսեփյանի, Սամվել Սահակյանի, Արտակ Խեմչյանի հարազատները: Միջոցառման ընթացքում ներկայացվել է հերոսների կյանքն ու մարտական ուղին:
Նրանցից՝ գնդապետ Թաթուլ Լավրենտի Ղազարյանը հետմահու պարգևատրել է Հայրենիքի շքանշանով և արժանացել ՀՀ Ազգային հերոսի կոչման՝ հայրենիքի պաշտպանության և անվտանգության ապահովման գործում մատուցած բացառիկ ծառայությունների, մարտական գործողությունների ընթացքում ցուցաբերած անձնվիրության և արիության համար։
Լիա ՃԱՂԱՐՅԱՆ
Կարդացեք նաև
Լուսանկարները՝ Տավուշի մարզպետարանի