Ալբանիայի մայրաքաղաք Տիրանայում ավարտվեց ծանրամարտի Եվրոպայի առաջնությունը։ Մրցումների վերջին օրը մրցահարթակ ելան աշխարհամասի գերծանր քաշային ուժեղագույն ծանրորդները։
Նրանց թվում էին շիրակցի երկու դյուցազունները՝ Գյումրու համալիր մարզադպրոցի սան Վարազդատ Լալայանը /անձնական մարզիչ՝ Կարեն Կարապետյան/ և Գյումրու ծանրամարտի մարզադպրոցի սան Գոռ Մինասյանը /անձնական մարզիչ՝ Հակոբ Փիլոսյան/։ Նրանք երկամարտի 451 կգ և 446 կգ արդյունքներով համապատասխանաբար գրավեցին 2-րդ և 3-րդ տեղերը։
Եվրոպայի առաջնությանը մասնակցող ՀՀ ազգային հավաքական թիմի կազմում ընդգրկված գյումրեցի 5 ծանրորդները նվաճեցին 2 ոսկե, 8 արծաթե և 3 բրոնզե մեդալ, որոնցից 5-ը՝ երկամարտում, 5-ը՝ պոկում և 3-ը հրում մրցաձևերում:
Շիրակի մարզպետարան
