ՀՀ ԶՈՒ գլխավոր շտաբի նախկին պետ Մովսես Հակոբյանը պետական գաղտնիք է համարում զորակոչիկների մասին իշխանական պատգամավոր Հայկ Սարգսյանի հայտնած տեղեկությունները:
Հիշեցնենք, որ Հայկ Սարգսյանը հայտնել էր, որ վերջին 9 տարվա ընթացքում զորակոչիկների թիվը 44.000 ից դարձել է 24.000 ու, ըստ պատգամավորի, դա ցածր ծնելիության հետ պայմանավորված չէ:
«Նման տեղեկություններ հայտնելը նայած թե ում է թույլատրվում, իշխանական պատգամավորներին թույլատրվում է»,- ասաց Մովսես Հակոբյանը:
Զորակոչիկների թվի կտրուկ նվազման հետեւանքների ու ռիսկերի մասին էլ, Հակոբյանի համոզմամբ, գիտեն միայն իշխանական պատգամավորները, ինչպես նաեւ պատճառները, թե ինչու պարտադիր ժամկետային ծառայության ենթակա երիտասարդները չեն ցանկանում ծառայել բանակում. «Իշխանական պատգամավորները ամեն ինչ գիտեն, իրենց ամեն ինչ թույլատրելի է հրապարակել, իրենցից հարցրեք»:
Կարդացեք նաև
Մովսես Հակոբյանը ԶՈՒ գլխավոր շտաբի պետի պաշտոնը ստանձնել էր 2016 թվականին ու զբաղեցրել մինչեւ 2018 թվականը, նրանից հետաքրքրվեցինք՝ այդ ընթացքում ի՞նքն էլ է արձանագրել զորակոչիկների թվի նվազում, ի՞նչ խնդիրներ է արձանագրել, որոնց պատճառով ծառայությունից երիտասարդները հրաժարվում էին, ի պատասխան ասաց. «Ես ինչ արձանագրել եմ, իմ ժամանակն անցել է, հիմա նոր իշխանություններ կան, նոր մարդիկ, նոր ղեկավարման ձեւ, որն ինձ բացարձակապես հետաքրքիր չէ, բոլոր հարցերը ուղղեք իշխանության անդամներին, նրանք բոլոր հարցերի պատասխանն ունեն»:
Արփինե Սիմոնյան
Մոսին էլի իր ամպլուայի մեջ է, ասեք էս մմարդուն որ ՀՀ բոլոր զորակոչերի հստակ թիվը հրապարակվում է ամեն տարի ԱՄՆ ԿՀՎ վեբկայքում, կարող եք կարդալ ու տեսնել, որ վերջին 20 տարիների զորակոչի մասին ամեն ինչ կա գրած, թե թվային տվյալներ, թե ռազմական կարողություններ։ Էլ ինչ գաղտնիք եթե ԱՄՆ ԿՀՎ կայքում ամբողջը դրած է