Օրերս Երևանի Տարածաշրջանային N1 պետական քոլեջի «Ուրիշ» ուսանողական թատրոնում տեղի ունեցավ «Տերն ու Ծառան» հեքիաթ-մյուզիքլի առաջնախաղը։
Ներկայացումը տեղի ունեցավ Ամենայն հայոց բանաստեղծ Հովհաննես Թումանյանի 155-ամյակին նվիրված հոբելյանական տարվա միջոցառումների շրջանակում։
Բեմադրությունը` քոլեջի արվեստի մասնագիտությունների ամբիոնի դասախոս, դերասան Հասմիկ Գևորգյանի, պիեսը` Վիգեն Ստեփանյանի (ՀՀ արվեստի վաստակավոր գործիչ), երաժշտությունը` Վահե Հայրապետյանի։ Ներկայացման դերակատարները քոլեջի «Դերասանական արվեստ» և «Ռեժիսուրա» մասնագիտական բաժինների ուսանողներն են։
Կարդացեք նաև
Միջին մասնագիտական կրթական հաստատությունը կարևորում է ուսանողական թատրոնի միջոցով հայ մեծերի ստեծագործություններին անդրադարձ կատարելու գործընթացը` հանրությանը ներկայացնելով այդ գործերի հիման վրա կատարված բեմադրությունները։ Գարնանը` մինչ ուսումնական տարվա ավարտը, Երևանի Տարածաշրջանային N1 պետական քոլեջի ուսանողական թատրոնը հանդիսատեսին կներկայացնի հայ գրողների` Հ. Թումանյանի, Ե. Չարենցի և Պ. Սևակի, ինչպես նաև թատրոնի խաղացանկում գտնվող բեմադրությունները` կատարված միջազգային գրողների ստեղծագործությունների հիման վրա:
Ուսանողական թատրոնը մշտապես պատրաստակամ է համագործակցելու հանրակրթական դպրոցների հետ` ներկայացումներին աշակերտական խմբեր հյուրընկալելու նպատակով։
ՄԱՄՈՒԼԻ ՀԱՂՈՐԴԱԳՐՈՒԹՅՈՒՆ