Aravot.am-ը Հայաստանի պետական տնտեսագիտական համալսարանից (ՀՊՏՀ) հետաքրքրվել էր, որ ճիշտ են արդյոք այն լուրերը, որ Բագրատ սրբազանի հրավիրած տնտեսագետ-գիտնականների բաց հանրային քննարկմանը Տնտեսագիտական համալսարանի շուրջ 15 գիտնական-տնտեսագետների մասնակցությունից հետո Տնտեսագիտականում նրանց մի մասից սպառնալիքներ հնչեցնելով պահանջել են բացատրագրեր գրել եւ ֆորմալ պատճառաբանություններով փորձում են կարգապահական տույժերի են ենթարկել:շ ՀՊՏՀ մարքեթինգի և հասարակայնության հետ կապերի բաժնից Aravot.am-ին գրավոր պատասխանել են, որ համալսարանում նման բան չկա, եւ որեւէ աշխատակից տույժի չի ենթարկվել:
Նաեւ հետաքրքրվել էինք՝ ճի՞շտ է, որ ռեկտորի պաշտոնակատար Արմեն Գրիգորյանը սպառնալիքներով է խոսում բոլորի, այդ թվում՝ կին աշխատակիցների հետ, իրեն դուր չեկած աշխատակիցներից պահանջում է դիմում գրել ու հեռանալ համալսարանից, հայտարարում է, որ առաջիկա 5 տարում ինքն է կառավարելու համալսարանը։ Ի պատասխան այս հարցի էլ հետեւյալն են փոխանցել. «Հայաստանի պետական տնտեսագիտական համալսարանում աշխատանքային իրավահարաբերությունները, աշխատանքային գործընթացը կազմակերպվում եւ իրականացվում է ՀՀ օրենսդրությանը, ինչպես նաև բուհի գործունեությունը կարգավորող կարգերի և փաստաթղթերի հիման վրա։ Ձեր որեւէ տեղեկություն իրականությանը չի համապատասխանում»։
Գոհար ՀԱԿՈԲՅԱՆ
