Բուլղարիայում ավարտվեց ազատ ոճի ըմբշամարտի Եվրոպայի մինչեւ 17 տարեկանների առաջնությունը։ Սամոկով քաղաքի մրցագորգում Հայաստանը եզրափակիչ օրը երկու բրոնզ նվաճեց։ Նախ, 45 կգ քաշային կարգում Էրիկ Ղազարյանը 10։0 հաշվով առավելության հասավ Բելառուսի ներկայացուցչի նկատմամբ, ապա Ավետիք Թութխալյանը 71 կգ քաշայինների պայքարում նախ 13։2 հաշվով հաղթեց ավստրիացուն, ապա համառ գոտեմարտում 15։10 հաշվով Պարտության մատնեց վրացի ըմբիշին։
Այսպիսով, 1 ոսկե եւ 2 բրոնզե մեդալով Հայաստանը թիմային պայքարում զբաղեցրեց 6-րդ հորիզոնականը։
Աշոտ ՀԱԿՈԲՅԱՆ
