«Խաղաղության մասին չէ այն իրականությունը, ինչի մեջ ամեն օր ապրում ենք։ Միգուցե սահմանին կրակոց չկա, բայց դա դեռ խաղաղություն չէ։ Այս իշխանությունները, որոնք մեր բոլորի համար օկուպացիոն ռեժիմ են, այսօր պատերազմ են հայտարարել մեզ՝ բոլորիս։ Պատերազմը տեղափոխվել է մեր ինքնության, Հայ Առաքելական եկեղեցու դեմ»,- Կապանում «Հայաստան» դաշինքի ամփոփիչ հանրահավաքի ժամանակ հայտարարեց դաշինքի պատգամավորի թեկնածու Լիլիթ Գալստյանը։
Նա վրդովված նշեց, թե բոլորի վրա պիտի «ծախեն՝ ասֆալտ են արել» ու շարունակեց․ «Ասֆալտ, որն առաջին ձյան հետ հալվեց, բայց փոխարենը ութ միլիարդով ավելացավ Հայաստանի պարտքը։ Այսօր չի կարող խոսք լինել խաղաղության մասին, երբ Բաքվի բանտերում կեղեքվում է հայ մարդը։ Չի կարող խոսք լինել խաղաղության մասին, երբ այդքան հեշտորեն հայտարարում են՝ Արցախի էջը փակված է։ Եթե մեկ բառով փորձեմ բնութագրել այս իշխանություններին, պիտի օգտագործեմ հրեշավոր բառը։ Աջուձախ հայտարարում են, թե սիրում են ձեզ, բայց նրանց վարքը սիրելու մասին չէ։ Նրանք չեն սիրում իրենց երկիրը՝ հողը, ջուրը»։
Կապանում «Հայաստան» դաշինքի հանրահավաքն ամբողջությամբ՝ տեսանյութում՝
Կարդացեք նաև
Տաթև ՀԱՐՈՒԹՅՈՒՆՅԱՆ
