«Ոչ մի բան չենք տեսել, ոչ էլ գիտենք՝ ինչ պետք է տեսած լինեինք։ Եկել ենք աշխատանքի, հիմա էլ ասում են՝ գնացեք տուն, գործարանը կանգնեցրել են»,– այսօր լրագրողների հետ զրույցում ասաց ԲՀԿ առաջնորդ Գագիկ Ծառուկյանին պատկանող «Արարատցեմենտ» գործարանի մի աշխատակից:
Հիշեցնենք, որ վաղ առավոտից խուզարկություններ են սկսվել Ծառուկյանի առանձնատանը, բիզնեսներում:
«Ոչ մի բան չենք իմանում, չեմ կարող ասել։ Առավոտյան եկել եմ գործի, թույլ չեն տվել մտնենք աշխատանքի, չեն մեկնաբանել՝ ինչ է կատարվում։ Սա միայն իմ մտահոգությունը չէ, այլ ամբողջ մարզի մտահոգությունն է, մոտ 100 մարդ է աշխատում այս գործարանում, ամբողջ մարզի խնդիրն է։ Ժողովուրդը վարկեր ու պարտքեր ունի, ամբողջ արտադրությունն է տուժում։
Կարդացեք նաև
Այս պահին անորոշ է՝ կկորցնեմ աշխատանքս, թե ոչ։ Գնում եմ տուն ու սպասեմ՝ ինչ կորոշվի։ Չեմ կարող հույս ունենալ, որովհետև այս ամեն ինչին, որ նայում եմ՝ ինչ է կատարվում, հույս էլ չի կարելի որևէ բանի հետ կապել,- ասաց մեկ այլ աշխատակից:
Արփինե ՍԻՄՈՆՅԱՆ
