Սիրիայում կոալիցիայի հարվածի հետևանքով մոտ 100 ռուս զինծառայող է զոհվել. մամուլ

Սիրիայում կոալիցիայի հարվածի հետևանքով մոտ 100 ռուս զինծառայող է զոհվել. մամուլ

Փետրվարի 7-ին ԱՄՆ-ի կողմից ղեկավարվող միջազգային կոալիցիան հարված հասցրեց Սիրիայի Հիշամ բնակավայրում տեղակայված շտաբին, որի հետևանքով մամուլի տվյալներով կան բազմաթիվ զոհեր, այդ թվում ռուսներ: Meduza.io-ն հավաքել է սպանված ռուս զինծառայողների թվաքանակի վերաբերյալ մամուլի հրապարակումները:

Այսպես, Ըստ Bloomberg գործակալության անանուն աղբյուրների՝ այդ հարվածի հետևանքով զոհվել է ավելի քան 200 մարդ, նրանց մեծ մասը՝ ռուսներ:

The New York Times-ի հետ զրույցում նույնպիսի թիվ է բերել ռուս գործարար Ալեքսանդր Իոնովը, որն աշխատում է Սիրիայում անվտանգության ոլորտում: Նույն նյութում թերթը, վկայակոչելով սիրիացի անանուն սպային, նշում է, որ զոհվել է 100 ռուս:

Այս տեղեկատվությունը որևէ վստահելի աղբյուրից չի հաստատվել:

Կրեմլի մամուլի քարտուղար Դմիտրի Պեսկովը երեքշաբթի հայտարարել է, որ Սիրիայում ռուսների զոհվելու մասին տեղեկատվությունը պետք է ճշտել պաշտպանության նախարարությունից: Վերջինս էլ հրաժարվել է հաստատել այդ տեղեկատվությունը:

Պատրաստեց՝ Վիկտորյա ԱՆԴՐԵԱՍՅԱՆԸ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

 
Առցանց Առավոտի լուրերին facebook-ով բաժանորդագրվելու համար սեղմեք