«Կաուչուկն այսօր մոնոպոլ դիրք ունի եւ չի բացառվում, որ հենց իր բացառիկությամբ է գրավել իշխանության ուշադրությունը։ Ահա սա է պատճառը, որ մենք Գագիկ Ներսիսյանի ձերբակալության մեջ ոչ թե քաղաքական, այլ տնտեսական հիմք ենք տեսնում»,- ասաց «Ժողովրդավարական Հայրենիք» կուսակցության անդամ Պետրոս Մաքեյանը։
Գագիկ Ներսիսյանի ձերբակալման մասին կարող եք կարդալ 2-րդ էջում։
ՓԱԽՈՒՍՏ ԴԵՊԻ ՇՏԱԲ
Կարդացեք նաև
Ըստ Ղարաբաղից եկող տեղեկությունների, մի քանի օր առաջ ԼՂՀ ՆԳ-ն փորձել է կալանքի վերցնել ոմն Աշոտի, որը նախկինում եղել է ԼՂՀ ՆԳ փոխնախարար։ Առայժմ հայտնի չէ, թե ինչ մեղադրանքով է հետապնդվել Աշոտը, սակայն ըստ լուրերի, նա հասցրել է վերջին պահին թաքնվել ԼՂՀ զինված ուժերի շտաբում։ ՆԳ հատուկ նշանակության ջոկատի ծառայողներն ուժեղացրել են հսկողությունը շենքի նկատմամբ, որից հետո ուժեղացվել է զինված ուժերի շտաբի պահակախումբը։ Առայժմ վերոնշյալ անձնավորությունը գտնվում է հետախուզման մեջ։
«ՆՅՈՒՐՆԲԵՐԳՅԱՆ» ԴԱՏԱՎԱՐՈՒԹՅԱՆ ԱՎԱՐՏԸ
Ավարտվել է անցած տարվա հունվարին Ավանի թաղապետ եւ «Հայծխախոտի» բաժնետեր Ռուբեն Հայրապետյանի դեմ մահափորձի դատաքննությունը։ «Հայծխախոտի» նախկին գործադիր տնօրեն Լիդա Սարգսյանի որդին (որպես կազմակերպիչ) եւ երկու կազմակերպիչները դատապարտվել են 9-13 տարի պատժաչափերի։
ՀԵՏԱՁԳՈՒՄ
Երեկ Նիկոլ Փաշինյանի գործի դատաքննությունը հետաձգվեց՝ նրա շահերի ներկայացուցիչ Տիգրան Ջանոյանի՝ հանրապետությունից բացակայության պատճառով։ Դատական հաջորդ նիստը նշանակվեց հոկտեմբերի 22-ին։
