ՊՆ փոխնախարար Աստվածատուր Պետրոսյանին խնդրեցինք մեկնաբանել ԼՂՀ պաշտպանության բանակի հրամանատար Սամվել Բաբայանի հայտարարությունը Հայաստան զորք մտցնելու պատրաստակամության վերաբերյալ։ Աստվածատուր Պետրոսյանը ձեռքը թափ տվեց. «Դե, նա ղարաբաղերեն էր ասել, հետո թարգմանեց»։ Եվ այսպիսի մի դեպք պատմեց, թե ինքը Ղարաբաղում մի ժամանակ թարգմանչի դեր է կատարել պաշտպանության նախարար Վազգեն Մանուկյանի եւ Սամվել Բաբայանի միջեւ, երբ նրանց դեմ առ դեմ զրույցից ընդամենը 5 րոպե անց պարզվել էր, թե իրար բացարձակապես չեն հասկանում։
Կարդացեք էջ 3։
«ԻՀԱՐԿԵ, ԶՈՐՔԸ ՄՏՑՆԵԼՈՒ ԵՆՔ ՀԱՅԱՍՏԱՆ»
Կարդացեք նաև
ԼՂՀ նախագահ Արկադի Ղուկասյանն ասուլիսում հրապարակել էր ԼՂՀ պաշտպանության բանակի փոխհրամանատար Արմեն Աբգարյանի (Ամուլյա) հրամանը դեկտեմբերի 3-9-ը տանկերն իրենց անձնակազմերով մարտական պատրաստականության բերելու եւ տեղաշարժի նախապատրաստելու վերաբերյալ։ Արկադի Ղուկասյանը նշել էր, թե Քոչարյանին «փրկելու» համար, Հայաստան ուժեր նետելու վերաբերյալ այս քայլը ծրագրվել էր առանց իր եւ պաշտպանության նախարարի իմացության։ ԼՂՀ նախագահի այս հայտարարությունները ՀՅԴ Հայաստանի ԳՄ ներկայացուցիչ Վահան Հովհաննիսյանը «անզգուշություն» է անվանել։ «Արդար չէ հիմա փորձել ներքին լարվածությունը լուծել, օգտագործելով Հայաստանի ներկա իրավիճակը եւ ջղագրգիռ կրքերը»։
ՎԱՆՈՆ ՆԱԵՎ ՆՐԱ ԸՆԿԵՐՆ ԷՐ
Մամուլի ազգային ակումբում, լրագրողների հետ հանդիպման ժամանակ սոցիալիստական ուժերի եւ մտավորականների միության քաղաքական քարտուղար Աշոտ Մանուչարյանը Վանո Սիրադեղյանի դատավարության մասին ասաց. «Վանոյի եւ նրա շրջապատի քայլերը չեն նպաստում երկրի կայունացմանը»։ Պրն Բլեյանի ձերբակալության մասին խոսելը Աշոտ Մանուչարյանը տեղին չհամարեց։
Մանրամասները՝ էջ 2։
