Պաշտպանության փոխնախարար Աստվածատուր Պետրոսյանը այլեւս բեղ չունի եւ սանրվածքն էլ փոխել է։ Հիշենք, թե ինչպես էր ժամանակին Պյոտր Մեծը սափրել տալիս բոյարների թավ բեղ-մորուսը։ Նրանց հետ շաշկի էր խաղում, եւ եթե հաղթում էր, բոյարը ստիպված զրկվում էր մորուքից։ Չենք կարծում, թե նույն մեթոդներով նաեւ պաշտպանության նախարար Վաղարշակ Հարությունյանն է պրն Պետրոսյանին ստիպել զրկվել իր բեղից։ Մանրուք է, բայց հաճելի է…
ՕԺԻՏԸ ԴԵՌ ՍՊԱՍՈՒՄ Է ՀԱՍՑԵԱՏԻՐՈՋԸ
Մեր թերթում երեկ տպագրված այն լուրի առնչությամբ, թե Խոսրով Հարությունյանի փեսան նշանակվել է «Հրազդան» հյուրանոցի տնօրեն, «Առավոտ» զանգահարեց կառավարության գործերի կառավարչի տեղակալ Արամ Կարապետյանը եւ հայտնեց, թե «Հրազդանի» տնօրենի պարտականություններն առայժմ ինքն է կատարում։ Նաեւ նշեց, թե ազգակցական ոչ մի կապ չունի Խոսրով Հարությունյանի հետ ու դեռեւս ամուսնացած էլ չէ։
Կարդացեք նաև
ԱՄՊԵՐԻՆ ԱՎԵԼԻ ՄՈՏ
ԱԺ պատգամավոր Մելիք Գասպարյանը, պարզվում է, բացի երեկ մեր նշածից, էլի օբյեկտներ ունի։ Վարդան Մամիկոնյանի արձանի (Կինոյի տան դիմաց) հետեւում երեւում են բաց գույնի բարձրահարկ երկու բնակելի շենքեր (մեկը՝ թեք)։ Մ. Գասպարյանը դրանք կառուցելիս էլ է խախտում թույլ տվել։ Նախագծով այդ շենքերը պետք է լինեին հինգհարկանի։ Այնինչ նա նախագծից շեղվել է եւ հարկեր ավելացրել։
ԱՆԱՌՈՂՋ ՄՇԱԿՈՒՅԹ
Ղարաբաղում նույնպես հնարավոր են նախարարությունների միավորման դեպքեր։ Ամբողջական պատկեր առայժմ չկա, սակայն, ամենայն հավանականությամբ, առաջիկայում կմիավորվեն մշակույթի եւ… առողջապահության նախարարությունները։
