Երեկ լրացավ 1 ամիսը, ինչ «Միասնություն» դաշինքը հայտարարությամբ պահանջել էր Սերժ Սարգսյանի եւ Տիգրան Նաղդալյանի հրաժարականները։ Պահանջներից եւ ոչ մեկը չկատարվեց, սակայն «Միասնությունը» սկզբունքային եւ հետեւողական չեղավ դրանք պնդելու հարցում։ Այս ամենի մասին «Առավոտի» հարցին «Միասնություն» խմբակցության ղեկավար Անդրանիկ Մարգարյանը պատասխանեց. «Տիգրան Նաղդալյանի հրաժարականի վերաբերյալ մենք նախագահի հետ անընդհատ բանակցությունների մեջ ենք, եւ նա մեզ խոսք է տվել, որ մոտ օրերս այդ հարցը լուծվելու է, բաժնետերերի խորհրդի նիստ է հրավիրվելու»։
Պրն Մարգարյանը նաեւ տեղեկացրեց, թե Սերժ Սարգսյանի հրաժարականի վերաբերյալ եւս Ռոբերտ Քոչարյանի հետ առայժմ բանակցում են։
ԱՄԵՆ ԻՆՉ՝ ՀԱՆՈՒՆ
Կարդացեք նաև
«Ես չեմ կարող ասել, որքանով կնպաստի Սյունիքից արտագաղթին մեր այցը,- «Առավոտի» հարցին ի պատասխան ասաց մարտի 31-ից ապրիլի 2-ը Սյունիքում կառավարության արտագնա նիստից հետո ՀՀ վարչապետ Արամ Սարգսյանը։- Կարծում եմ՝ իմ այցելության ընթացքում ես ամեն ինչ արեցի, որ սյունիքցիների մեջ հույս ծնվի, հպարտություն՝ սյունիքցի լինելու։ Եվ որ իմանան, որ հայ մարդն՝ անկախ նրանից՝ Արարատում է ապրում, Արմավիրում թե Երեւանում, հարգում է սյունիքցուն՝ Սյունիքում ապրելու համար։ Ինչքանով դա ինձ հաջողվեց, չգիտեմ»։
ՈՍԿԻՆ ԵՎ ԱԼՄԱՍՏԸ՝ ԲՈՐՍԱՅՈՒՄ
Երեւանի ոսկերչական գործարանի տնօրեն Էմիլ Գրիգորյանը հայտարարեց, որ «Ոսկերչություն-2000» տոնավաճառի ընթացքում ոսկերչական գործարանի, «Ադամանդ» ապրանքային բորսայի եւ Հայաստանի զարգացման բանկի նախաձեռնությամբ սկիզբ կդրվի ոսկու ձուլակտորների եւ ալմաստի հումքի բորսային վաճառքի՝ ինչպես իրավաբանական անձանց, այնպես էլ անհատներին։
