Վարչապետից ԱԺ փոխնախագահի պաշտոնը կոմունիստների խնդրելու վերաբերյալ իր բացահայտմանը հետեւած բուռն հերքումներին ի պատասխան, կառավարության աշխատակազմի ղեկավար, նախարար Անդրանիկ Մանուկյանն «Առավոտին» փոխանցեց հետեւյալ հայտարարությունը. «Իմ ողջ գիտակցական կյանքում ես կեղծիքներ թույլ չեմ տվել եւ թույլ չեմ տալու։ Ես պատասխանատու եմ իմ արած ցանկացած հայտարարության համար»։
ՀԱՎԵՐԺ ՄԻԱՍԻՆ
Այսօրվա դրությամբ Հայաստանի՝ Եվրախորհրդին անդամակցելու գործընթացն, ըստ ՀՀ արտգործնախարար Վ. Օսկանյանի, նորմալ է ընթանում, սակայն Հայաստանը մտահոգվելու որոշ տեղ ունի։ Ադրբեջանի ընտրություններից հետո եվրոպական կառույցները լուրջ մտահոգություններ են հայտնել այդ երկրում ժողովրդավարության հաստատման ուղղությամբ, եւ դա կարող է խոչընդոտել Ադրբեջանի անդամակցությանը Եվրախորհրդին։ Պրն Օսկանյանը մտավախություն հայտնեց, որ Հայաստանի եւ Ադրբեջանի համար հնարավոր է՝ անդամակցության նույն ժամկետն է նախատեսված։ Մեր դիվանագիտությունն այսօր փորձ է անում խզել այդ կապը նոյեմբերի 5-ից հետո եւ առանձին որոշում կայացնել այս հարցում։
Կարդացեք նաև
ՎԵՐՋԻՆ ՄՈՀԻԿԱՆԸ
Մինչեւ այս տարվա վերջ Լոնդոնում կունենանք ռեզիդենտ-դեսպան, որը, փաստորեն, կլինի հետ կանչված Արմեն Սարգսյանի հաջորդը։ Ի դեպ, վերջինս պաշտոնանկությունից հետո չի վերադարձել Հայաստան։ Արմեն Սարգսյանը շուտով կազատվի նաեւ Վատիկանի դեսպանի աշխատանքից։
