![\"\"](\"https://www.aravot.am/2011/aravot_arm/June/21/p9.jpg\")
Նոյեմբերյան քաղաքում խմելու ջրագծի եւ կոյուղու վթարները անպակաս են: Մոտ երեք շաբաթ առաջ դատարանի շենքի մոտ վնասվել է մոտակա երկհարկանի շենքը սնուցուղ խմելու ջրագիծը եւ այդտեղ «աղբյուր» է բխում: «Հայջրմուղկոյուղու» Նոյեմբերյանի ենթատեղամասի աշխատողները քանդել-բացել են վնասված տեղը, սակայն չեն նորոգել: «Հայջրմուղկոյուղու» Նոյեմբերյանի ենթատեղամասի գրասենյակը այդ տեղից մոտ 50 մ հեռավորությամբ է գտնվում: Քաղաքի «Հեքիաթ» մանկապարտեզի առջեւ ավանդաբար ցեխակույտ է, որը գոյացել է ջրագծի վթարից: Քաղաքի տարբեր հատվածներում բազմաթիվ վթարներ կան: Բնակիչները, այլեւս չսպասելով ջրմուղի ենթատեղամասի կողմից նորոգմանը, իրենք են կատարում վթարի վերացումը: Անցյալ տարի Ասիական բանկի ֆինանսավորմամբ նորոգվեց «Հայջրմուղկոյուղու» Նոյեմբերյանի ենթատեղամասի գրասենյակի շենքը, քաղաքի խմելու ջրագծի ներքին ցանցում նորոգման որոշ աշխատանքներ արվեցին, սակայն դրանից վթարների թիվը չի նվազել:
